Siglir tar il cuntegn

Header

audio
Emprim club d'accordeons
Or da Musica dals 08.11.2019.
laschar ir. Durada: 05:10 minutas.
cuntegn

Fascinaziun sunar accordeon L’emprim club d’accordeons da Cuira ha 90

In club cun gronda tradiziun è sin via vers il 100avel e tschertga er musicantas e musicants giuvens.

Il club d’accordeons da Cuira è vegnì fundà il 1929 da Kaspar Strebel ch’aveva ina scola da musica. Uschia vuleva el dar a ses scolars la pussaivladad da sa preschentar en ina gruppa e far concerts. Quella giada na devi anc naginas autras furmaziuns sumegliantas, perquai ha ella survegnì il num: emprim club d’orgels da maun da Cuira. Strebel è lura stà durant 50 onns dirigent ed ha mussa a blers da sunar l’accordeon.

Las culminaziuns en il program eran ils concerts annuals cun saut e tombola, concerts per il di da la mamma, per cults divins ed al cortegi dal «Maiensässumzug», ina da las bellas tradiziuns da la chapitala grischuna.

Impurtant era er la cumpagnia: els faschevan viadis, sairadas da divertiment, spassegiadas, schlittadas e schizunt cursas da skis.

Dapi 71 onns en il club: Frieda Capol

audio
Frieda Capol suna dapi 71 onns
00:13 min, Musica dals 08.11.2019.
laschar ir. Durada: 00:13 minutas.
audio
regurdanzas da Frieda Capol
00:26 min, Musica dals 08.11.2019.
laschar ir. Durada: 00:26 minutas.

Quai èn però tempi passati ed oz stat il far musica en il center.

Fascinaziun accordeon

Tar tut las musicantas e musicants pon ins sentir il plaschair e la fascinaziun, e quel instrument porscha bleras pussaivladads:

audio
Annemarie Demont e ses favurits
00:25 min, Musica dals 08.11.2019.
laschar ir. Durada: 00:25 minutas.
audio
Silvio Cavegn ed ils stils
00:13 min, Musica dals 08.11.2019.
laschar ir. Durada: 00:13 minutas.

Per il 90avel anniversari dal club datti ils 10 da november ina saira da giubileum cun concert e festivitads e là vegn mussà la gronda paletta da stils da la musica d’accordeon. Er da la partida vegn ad esser ina furmaziun da flautas da pan. Sper il divertiment datti er la finamira da far reclama per la musica d’accordeon, da chattar musicantas e musicants novs ed er da promover musicants giuvens.

audio
En tschertga da musicants novs
00:27 min, Musica dals 08.11.2019.
laschar ir. Durada: 00:27 minutas.

RR accumpagnament 10:00

Artitgels legids il pli savens

Scrollar a sanestra Scrollar a dretga