Quai sa mida durant il temp dal gimnasi a Mustér ed il studi da musica. En il mintgadi da lez onns è la chanzun populara absenta. Pli tard, sco cumponist, rescuvra Gion Antoni Derungs puspè ella. La chanzun populara daventa per il cumponist in tschispet fritgaivel.
L’atun 2009 aveva cineast Gieri Venzin registrà in’intervista cun Gion Antoni Derungs. Il resultat è in discurs approfundì davart la chanzun rumantscha, davart l’influenza da quella sin l’ovra dal cumponist e davart l’atgna lavur cumpositorica. Radiotelevisiun Svizra Rumantscha preschenta parts essenzialas da quel discurs, per dar in’invista en las reflexiuns dal cumponist barmier.
La chanzun populara en la vita da Gion Antoni Derungs
«Da pign eri impurtont da saver il text, buc ch’ins stoppi mo tugnar la melodia.»
Il caracter da la tipica chanzun rumantscha
«In certa sempladad ei tipic per nus.»
Las differenzas tranter la chanzun sursilvana e la chanzun engiadinaisa
«Las canzuns engiadinesas han in schlantsch pli elegants che nus.»
Las chanzuns popularas preferidas
«Mo ina savess jau buc dir.»
Recepts per cumponer ina chanzun che plascha
«Il biars hits dad oz ein cuorts en la veta.»
Ponderaziuns davart las atgnas cumposiziuns
«Ei vegness mender.»
Copyright intervista: Monte Films.