Siglir tar il cuntegn

Header

audio
Jörg Perron da Ftan è organist e cumponist
Or da Actualitad dals 17.07.2020.
laschar ir. Durada: 02:58 minutas.
cuntegn

Jörg Perron Organist e cumponist da Ftan

Jörg Perron è organist a Ftan ed a Scuol – ed el suna er l’orgla sin il chastè da Tarasp,

Jörg Perron è naschì il 1945 a Kesswil en il chantun Turgovia ed ha fatg il seminari da magisters, studis da musica a l’universitad e la scol’auta da musica a Turitg e dapi il 1978 abita el a Ftan.

Là è el sta magister al Institut Otalpin ed er dirigent dal cor da la scola.

Sia gronda passiun: sunar l’orgla da baselgia

Jörg Perron è organist a Ftan ed a Scuol – ed el suna er l’orgla sin il chastè da Tarasp, in instrument tut spezial cun 3'000 tschivlots, ch’in dals anteriurs possessurs dal chastè, Karl August Lingner, aveva installà il 1916.

Dapli da l’orgla dal chastè da Tarasp

Textbox aufklappenTextbox zuklappen

Enturn l’onn 1040 es il chastè vegnì construi dals signurs da Tarasp, oriunds dal lai da Como. L’on 1239 è la fortezza ida als conts dal Tirol. Dal 1464 è daventà il chastè in contadi austriac. Il 1803 è il chastè da Tarasp daventà part da la Republica Helvetica, sco ina da las ultimas enclavas svizras. Durant ils proxims decennis ha mida il chastè pliras giadas maun.

La stad dal 1900 ha Dr. Karl August Lingner, industrial da Dresden, fatg la cura a Vulpera. L’inventader dad Odol ha lura decidì da cumprar la fortezza falombra. Per renovar il chastè ha el ramassà stivas e mobiglia or da chasas patrizianas dal Grischun, dal Tirol, e da la Germania. Dal 1916, ha Lingner installà en la anteriura chombra dad armas ina orgla Jehmlich da Dresden ch’è oz la pli gronda orgla privata da l’Europa cun sur 3000 tschivlots da l'orgla

Il medem onn è mort Lingner nunspetgadamain. El veva lascha en ierta il chastè al ultim retg da la Saxonia, Friedrich August III. Cun quai che quest n’ha betg acceptà è il chastè riva tar il grond duca Ernst Ludwig von Hessen. La famiglia von Hessen è stada possessura fin ils 30 mars 2016. Lura ha cumprà Not Vital il chastè da Tarasp.

Il 1991 è l’orgla vegnida renovada ed uss datti mintg’onn ils concerts dal chastè en la sala da festa.

Il cumponist

Perron è er cumponist e dad el datti divers tocs che sa basan sin la musica da baselgia, però er cumposiziuns da tempra pli moderna.

El ha realisà in disc cun il cor dal Institut Otalpin e 2 discs cumpacts cun musica d’orgla da baselgia:

  • Jörg Perron - Die grosse romatische Orgel auf Schloss Tarasp
  • Esther Reinalter und Jörg Perron – Die Orgeln der Evangelischen Kirchen von Sent und Scuol

RTR actualitad 11:00