Sa regurdais vus da la chapella Barba Peder, la furmaziun cun ses stil da sunar incumparabel cun clarinettas e violina? Quai era ina chapella cun Pol Clo Nicolay, Ernst Bromeis, Marco Cadisch, Andrea Barblan e Rico Falett ed ella è vegnida fundada a Bravuogn ils onns 60. L’emprim faschevan els musica da divertiment, e lura han els scuvert la musica populara veglia da l’Engiadina.
Suns e tuns dals Fränzlis
Sco ina da las emprimas furmaziuns da musica populara han els fatg reviver la musica dals Fränzlis dal 19avel tschientaner, da la chapella legendara enturn il violinist schrv Fränzli Waser. Els avevan survegni las notas da tocs che Steivan Brunies aveva collecziunà bler onns avant, e quels han els interpretà en lur stil agen e genuin.
Davo la faira, la polca da Tumasch ed il valser glisch
Quai eran schottischs, polcas, mazurcas e valsers, tocs curts cun titels simpels che raquintavan altg da la derivanza (Galop da Franz), dal diever (Al bal dals praders) ubain da la tempra dal toc (Schottisch vegl). Quels tocs èn er cumparids sin lur dus discs «Musica populara da l’Engiadina», il 1972 – e sin il disc «Chapella Barba Peder» il 1982
Musica per gruppas da saut
Ils sauts da la chapella Barba Peder eran er sco fatgs aposta per gruppas da saut, e bain spert han els survegnÌ dumondas da tut il Grischun, però er da la Svizra bassa, ed els han accumpogna sautunzas e sautunzs durant bleras sairas.
L'ultima giada
Cun ils onns ha la chapella Barba Peder reduci sias activitads, ils musicants avevan anc autras incumbensas. Il 2002 è lura stà lur ultim concert.