Siglir tar il cuntegn

Header

Fotografia da la fatschada da l'atelier da Linard Bardill a Scharàns
Legenda: Linard Bardill La fatschada en betun cotschen è ornada cun 150 rosettas. mad
cuntegn

Linard Bardill La passiun da las chasas

Sper far musica, scriver texts e raquintar istorgias èn chasas ina passiun da Linard Bardill. L'emprim era quai la restauraziun da chasas veglias. Il 2007 ha el laschà construir amez Scharàns in atelier. Il local d'atelier occupa mo ina pitschna part, la gronda part è ina curt interna cun iert.

Fotografia da Linard Bardill davant l'entrada da ses atelier a Scharàns
Legenda: Linard Bardill Linard Bardill davant l'entrada da ses atelier a Scharàns. mad

Amez il vitg da Scharàns, datiers da sia chasa, ha Linard Bardill fabritgà in atelier per scriver e per far musica. En collavuraziun cun l’architect renumà Valerio Olgiati ha el realisà ina chasa da betun cotschen plain rosettas. En la curt da la chasa senza fanestras e senza tetg han lieu da temp en temp concerts, teaters u prelecziuns.

Fotografia da l'interiur da l'atelier da Linard Bardill a Scharàns
Legenda: Linard Bardill L'interiur da l'atelier da Linard Bardill a Scharàns. mad
Fotografia da la curt interna da l'atelier da Linard Bardill a Scharàns
Legenda: Linard Bardill La curt interna da l'atelier a Scharàns. mad
video
SF Kultur 05-06-2011
Or da RTR dals 05.06.2011.
laschar ir

Artitgels legids il pli savens

Scrollar a sanestra Scrollar a dretga