Siglir tar il cuntegn

Header

Navigaziun

Legenda: Tadlar il audio bler sin il palc, er cun autras grondezzas da la musica populara. Durada 00:27 minutas.
00:27 min, La populara dals 10.01.2019.
cuntegn

Purtrets Ueli Mooser ha 75

Ina persunalitad e grond enconuschider da la musica populara ha anniversari!

Ueli Mooser, naschì ils 24 da schaner dal 1944, po festegiar ses 75 avel. El è in grond enconuschider ed expert da la musica populara, ed er autur dal cudesch «Die instrumentale Volksmusik». L'anteriur magister ha lavurà sco redactur da musica tar radio DRS ed è cumponist, arranschader e multiinstrumentalist. Sin il palc ed en il studio è el da vesair cun clarinetta, orgelin, ghitarra, contrabass ed anc blers auters instruments – ed adina cun ses chapè nair marcant.

in um cun contrabass
Legenda: Cun ses contrabass RTR, Jachen Prevost

In musicant tschertgà che ha sunà tar bleras chapellas

Ueli Mooser è stà ed è commember tar bleras furmaziuns: tar la chapella legendara «Zoge-n-am Boge», il trio Turi Schellenberg, ils Engadiner Ländlerfründa, la chapella Dünner-Mooser-Wicky, e bleras autras pli, e durant tut quels onns ha el sunà bleras giadas cun persunalitads sco Thomas Marthaler, Peter Zinsli, Josias Jenny e Willy Valotti.

in um davatn ina paraid cun discs
Legenda: Cun sia gronda collecziun da portatuns RTR, Jachen Prevost

Il stil grischun è ses preferì

Ueli Mooser fa surtut musica populara en il stil grischun, , il link avra en ina nova fanestraer en quel da la svizra interna ed el è segiramain in dals emprims che han experimentà cun auters stils, folclora internaziunala e cun arranschaments nunusitads. Ses pli grond semperverd che tut ils amis da la musica populara enconuschan è il schottisch «Maloja Wind» che vegn sunà da bleras chapellas.

ina chapella da music apopulara
Legenda: Ueli cun la Hanneli Musig MAD

Perscrutar e scuvrir sauts vegls è sia passiun

Ueli Mooser fa perscrutaziuns e tschertga melodias veglias e quellas suna el lura er cun sias diversas furmaziuns sco la Hanneli Musig, la «Ländlermusig momoll» e sia «Tanzkapelle». Ina gronda renconuschientscha hai dà il 2010, lura ha el survegnì la clav d’aur da violina, la distincziun la pli impurtanta da la musica populara.

ina chapella sa preschenta
Legenda: Ueli Mooser e sia Tanzkapelle MAD