Musica populara ed instrumentala en la Val Müstair, quai èn ils Oswalds. Ina famiglia cun blers musicants. In dals pli enconuschents è Sarin Oswald, musicant e cumponist da blers semperverds populars sco «Salüds a Müstair», «Il valser dal postigliun», «Sül Alp Zadra» ubain «Il juven Jauer».
Ils Oswalds da Müstair èn ina gronda famiglia – e fitg musicala. In dals impurtants è stà Sarin Oswald, annada 1902, suandà da ses figls Sigi, Josef, Ludwig, Walter ed Alois. Els eran musicants populars passiunads ed enconuschents e persunalitads impurtantas da la musica populara da tut il Grischun. Per exempel Ludwig, er el in cumponist da vaglia ed enconuschent cun sia chapella. Il pli giuven dals figls da Sarin è René che ha sa fatg in num sco interpret professiunal, surtut en la musica classica.
René Oswald, sia carriera, sia musica a ses instruments
El è naschì a Cuira sco pli giuven da 10 uffants d’ina famiglia da musicants. Sias emprimas uras da clarinetta ha el survegnì da ses bab Sarin, in instrumentalist enconuschent e cumponist che ha cumponì blers tocs, en spezial dal sectur da la musica populara. Oz, blers onns pli tard e sco musicist da professiun, fa René Oswald blers concerts en tut l’Europa.
El ha studegià a l'academia da musica ed al conservatori da Turitg ed a l'academia da musica Basilea. Impuls prezius ha el survegnì dal professer Ewald Koch en la Germania da l'ost ch'al ha introducì en il mund dals tuns da la scola da clarinettas tudestga. René Oswald è il purtader dal premi da la regenza dal chantun Grischun.
Sias clarinettas ed il chalumeau
Sper ses instruments moderns sa deditgescha el er als instruments istorics.
Sin il chalumeau, la clarinetta da duas clappas e sin il corn istoric dal basset suna el ovras or dal temp da fluriziun da quests instruments.
Activitad da concerts en Svizra ed a l'exteriur
El è stà sin ils palcs da la Wigmore Hall a Londra, en Austria e Germania – ed ha fatg registraziuns radiofonicas en Svizra ed en Austria. El è era stà docent da curs internaziunals per clarinettas istoricas e modernas.
In musicist che fa concerts è in sportist d’elita. Sche jau n’exercitesch betg mintga di: l’emprim di m’accorscha jau, il segund mia dunna ed il terz di tut tschels.
Ses repertori cumpiglia sin la clarinetta tut ils stils da la classica tempriva Johann Melchior Molter fin a la litteratura da standard da Mozart, Weber, Spohr e Hindemith. In da ses engaschaments impurtants è la musica contemporana. Numerus cumponists han scrit per el ovras: Jürg Brüesch, cumposiziuns per clarinetta e clavazin; Mario Giovanoli, solo per clarinetta; Gion Antoni Derungs, concert per clarinetta ed ulteriuras ovras per clarinetta e clavazin; Meinrad Schütter, tocs da solo per clarinetta ed ulteriuras cumposiziuns per clarinetta e clavazin. René Oswald sa deditgescha cun gronda premura al sunar sin la clarinetta ed era fin al corn da basset.
En connex cun ils instruments da Herbert Wurlitzer e cun ils instruments tudestgs da Schwenk & Seggelke sco era cun ils buchins da lain da cocobolo e da cocos vegn cuntanschì in tun equilibrà en il sectur da la sonorisaziun sin il register bass fin il pli aut.
In giavisch impurtant è per el la respiraziun e la sonorisaziun ch'el sviluppa sistematicamain en ses gieu. Tras l'amicizia intensiva cun il clarinettist Juan Armas Pizzani che ha excellentas abilitads en la construcziun da feglis e cun trair si buchins ha René Oswald pudì experimentar numerusas uras cun il Pizzani da Juan Armas.
En questa cumbinaziun ha René Oswald sviluppà fegls da clarinetta tenor agen project. Il lain da bischen vegn tschernì persunalmain en Frantscha ed elavurà tenor criteris conscienzius e spezials.