Siglir tar il cuntegn
cuntegn

Musica RTR mx3

Anc dapli musica svizra sin las undas rumantschas! Bunas novas per bands ed artists rumantschs ed insumma da l'entira Svizra: La redacziun da musica da RTR ha tschernì ina massada titels da mx3.ch per quella ura speziala.

Legenda: Tadlar il audio Ivo Orlik e Flavio Tuor davart RTR mx3.. Durada 04:51 minutas.
04:51 min, Musica dals 11.01.2019.

Mx3.ch è il portal che porscha a musicistas e musicists svizzers la pussaivladad da preschentar e promover lur musica. Curatà vegn la pagina da nus e noss collegas da SRF, RTS e RSI.

RTR preschenta uss mintga venderdi e sonda saira da las 19:00 a las 20:00 musica directamain giu da la plattafurma mx3.

Selecziunar l'atgna musica

Cun ina interfatscha speziala per quella ura cuntanscha RTR ultra da quai era il club dal radio interactiv e ta pussibilitescha d’emetter live tes songs svizzers preferids.

En il studio virtual sin rtr.mx3.ch, il link avra en ina nova fanestra has ti la pussaivladad da selecziunar fin 4 titels che van lura directamain sur l'emettur.

La fanestra dal dj Tool per RTR mx3.
Legenda: Il studio virtual per selecziunar la musica per RTR mx3. RTR
Ti ès vi dal pult da mixagi, visita noss studio virtual e giauda tia DJ-ada!

FAQ tar RTR mx3