In viadi musical tras tschintg chanzuns rumantschas, cun passaschas melodiusas, ma er blera improvisaziun cun elements da musica electronica – quai han l'ensemble classic ad hoc Viola e l'artist da musica electronica Cella purschì en la terma da Val.
Il cumponist David Sontòn Caflisch ha integrà en ses toc, scrit aposta per quest concert, blers effects che han stgaffì impressiuns da tun tut spezialas en cumbinaziun cun acustica da la terma. Per exempel cun la vusch da la chantadura, cun tuns da tiba, clarinetta en bass, posauna u er cuntrabass en cumbinaziun cun tuns digitals.
Quai è stà grondius, tut ensemen, spezial.
Purtrets ed impressiuns da la notg violetta en la Terma Val
-
Bild 1 von 18. Bildquelle: RTR, Flavio Deflorin.
-
Bild 2 von 18. Bildquelle: RTR.
-
Bild 3 von 18. Bildquelle: RTR.
-
Bild 4 von 18. Bildquelle: RTR.
-
Bild 5 von 18. Bildquelle: RTR.
-
Bild 6 von 18. Bildquelle: RTR.
-
Bild 7 von 18. Bildquelle: RTR.
-
Bild 8 von 18. Bildquelle: RTR, Flavio Deflorin.
-
Bild 9 von 18. Ils musicists dattan ils ultims tuns avant il concert... Bildquelle: RTR, Flavio Deflorin.
-
Bild 10 von 18. Las ultimas preparativas vid la tribuna en l'aua. Bildquelle: RTR, Flavio Deflorin.
-
Bild 11 von 18. Per che tuts audian bain in l'auter dovri divers microfons ed uregliers colliads sur func. Bildquelle: RTR, Flavio Deflorin.
-
Bild 12 von 18. Las ultimas emprovas cun la glisch che creescha in'atmosfera tut speziala tranter las paraids crap. Bildquelle: RTR, Flavio Deflorin.
-
Bild 13 von 18. Bildquelle: RTR, Flavio Deflorin.
-
Bild 14 von 18. Bildquelle: RTR, Flavio Deflorin.
-
Bild 15 von 18. Sonda suentermezdi durant las lavurs da bajegiar si: Ils tecnicists han dastgà u stuì ir en l'aua. Bildquelle: RTR, Flavio Deflorin.
-
Bild 16 von 18. Bildquelle: RTR, Flavio Deflorin.
-
Bild 17 von 18. Bildquelle: RTR, Flavio Deflorin.
-
Bild 18 von 18. Bildquelle: RTR, Flavio Deflorin.
Fitg levgià che tut è i sco planisà. Igl è atgnamain vegnì tut uschia sco quai che nus ans avain imaginà.
Blers d'ils visitaders e las visitadras han laschà plaschair fitg la cumbinaziun speziala da l'experiment musical en l'atmosfera da crap, glisch violetta ed aua en la terma. Er ils set musicants e musicantas èn stads intgantads e faschessan immediat puspè in tal concert:
I era fenomenal. Uschia insatge n'hai jau anc mai fatg. Jau sper che jau poss anc ina giada far uschia insatge.
Jau n'hai betg spetgà ch'i saja uschè fitg en direcziun experimentar. Jau hai spetgà dapli melodia.
Per auters eran cunzunt las parts improvisadas, magari dissonantas u pauc melodiusas e senza cler ritmus in zic surfatgas. Quellas parts han gì ina gronda preschientscha en il concert da bun in'ura. Ma er sche la musica n'ha betg adina tutgà il gust persunal, l'arranschament sco tal en la terma ha giuven e vegl schazegià.
I dovra in zic curaschi da sa laschar en sin quai ed magari er in pau perseveranza. Ma i cunvegn.
Senza incaps tecnics
Er Conrad Schlosser, il responsabel per la tecnica dal concert, è fitg cuntent. Sch'el guardia che tecnicists hajan cumenzà sonda suentermezdi da l'ina a bajegiar si podests en chautschas da bogn stoppia el far in grond cumpliment a sia glieud per la buna lavur. El è satisfatg cun il resultat.
Fin la notg las trais era lura tut puspè bajegià giu e pront per ils giasts da bogn da la dumengia.
RR actualitad 07:00