Il 1. da december envida RTR Vus en la Terma da Val per giudair quest concert extraordinari. Visitai il concert ed As laschai fascinar da la musica e da la culissa unica.
Da principi na. L'entrada è gratuita, mintgin è cordialmain envidà a la «RTR Purple Nights».
Per simplifitgar l'organisaziun prendain nus dentant gugent encunter Vossa annunzia sur quest formular.
Program musical
Musicalmain spetga Vus in program da concert aparti ed unic. Il cumponist rumantsch David Sontòn Caflisch ha transponì e mess ensemen cun Cella 6 chanzuns tradiziunalas rumantschas en in manté classic-electronic. En il center stat la vusch da la sopranista Sara-Bigna Janett. Accumpagnada vegn ella sper ils tuns electronics da Cella dal Ensemble Viola, in ensemble classic mess ensemen a posta per quai eveniment.
Livestream
Il concert vegn ultra da quai partì cun l'entir mund sco livestream sin rtr.ch, hbbtv (sin SRF1 e SRF2) sco era sin Facebook.