Noss chantun ha bleras tradiziuns ed usits ch'èn colliads stretg cun la cultura e l'istorgia da la regiun. Er en Engiadina datti e deva bleras talas tradiziuns – betg mo il Chalandamarz e las Mattinadas, mabain er il chant, la musica, ils costums ed ils sauts populars. Igl è ina cultura enragischada en l'istorgia locala. Però quant vivas èn questas tradiziuns anc?
- Bündner Siebenschritt
- L'allemanda
- Trais-cha da café
- Il galop dals Ernis
- Il sot da las schoccas cotschnas
- Al bal da Büman
- La mazurca chattada
- Mia marusa
- Vegl schottisch engiadinais plan
- Polca da barba Giovanin
- Al bal dals praders
- Mazurca da Tumasch
- Mazurca da la panaglia
- Bal da Büman a Ramosch
- Valserin pel balin
- Valser da Mattinadas
- Quel da barba Not
- Oura Surchomps
- La faira da Sent
- La faira da Strada
- La storta da Crusch
- Mattans lain ir a chasa
Per l’emissiun d'oz avain visità la gruppa da saut regiunala da Scuol. Tge è lur fascinaziun da star da cumpagnia, d’emprender sauts novs e da sa preschentar al public? E datti era giuvens e giuvnas che s’interessan? Quai para d'esser il grond problem da bleras societads ed uniuns – surtut per gruppas da saut. Perquai ha la gruppa regiunala da Scuol organisà quatter sairadas per emprender a ballar, però era cun l’intenziun da chattar ballarinas e ballarins giuvens.
- Chapella Erni
- Chapella Engiadina
- Chapella Barba Peder
- Chapella Zavretta
- Ils Fränzlis da Tschlin
- Chapella Tasna
- Chapella Jünaiver
- Ländlerkapelle Zoge-n-am Boge
- Worber Volksmusikante
- Ländlermusig Arwyna
- Berner Oberländer Volkstanzmusik
L’interess è sta grond: ina trentina giuvnas e giuvens da Ftan èn stads da la partida ed han mussà gust da ballar polcas, mazurcas, valsers e d'exercitar per lur bals tradiziunals en vischnanca. Ma pudessan els ed ellas era s'imaginar da sa participar a la gruppa da saut? Atgnamain bain, i manchia però il temp d'exercitar regularmain. Pia: plitost na!
Mario Furrer, ch'ha fundà la gruppa da saut il 1991, è intschert areguard l'avegnir da la gruppa. Ed era la manadra da la gruppa da saut regiunala da Scuol, Claudia Plouda, è tut autra ch'optimistica:
Avant blers onns: gruppas da saut èn fitg popularas
-
Bild 1 von 10. La chapella Barba Peder suna per bleras ballarinas e ballarins. Bildquelle: MAD / Pol Clo Nicolay.
-
Bild 2 von 10. La gruppa da saut regiunala da Scuol. Bildquelle: MAD / Mario Furrer.
-
Bild 3 von 10. Cun bels costums engiadinais. Bildquelle: MAD.
-
Bild 4 von 10. Els ed ellas ballan cun gust. Bildquelle: MAD.
-
Bild 5 von 10. Pli baud avevan costums ina gronda tradiziun. Bildquelle: MAD / nossaistorgia.
-
Bild 6 von 10. Dus pèrins da Sent cun costums. Bildquelle: MAD / Jachen Erni .
-
Bild 7 von 10. La gruppa da saut da Scuol. Bildquelle: MAD / Mario Furrer.
-
Bild 8 von 10. Mario Furrer cun ballarinas e ballarins. Bildquelle: MAD / Mario Furrer.
-
Bild 9 von 10. Ballar cun plaschair. Bildquelle: MAD / Mario Furrer.
-
Bild 10 von 10. La chapella Erni accumpogna la sairada da saut. Bildquelle: RTR / Jachen Prevost.