Adia Truvaglia!

La Truvaglia - la rubrica cultica da Benedetto Vigne è ida a fin ils 7 d’october. En ina seria speziala preschenta il redactur sias tschintg Truvaglias preferidas.

Laschar ir video «La Truvaglia tutga a l’istorgia»

La Truvaglia tutga a l’istorgia

4:21 min, Telesguard dals 4.10.2016

Durant bunamain 10 onns ha redactur Benedetto Vigne producì sia rubrica quotidiana La Truvaglia en il program dal Radio Rumantsch. Ina rubrica che tractava chanzuns raramain udidas u tocs inusitads or dal vast specter da pop, rock, jazz, country u schlagher - truvaglias apunta. Laschond ir La Truvaglia en pensiun, preschenta Benedetto «Benni» en l’emna dals 3 als 7 d’october per la davosa giada sia rubrica, daventada «cult» en il fratemp.

Benni Vigne dat pled e fatg

Las ultimas 5 Truvaglias

The Latins: Selene

5:27 min, La truvaglia dals 28.09.2016

The Latins: Selene

Ina chanzun futuristica-lunara ch’ha accumpognà Benedetto Vigne dapi si’unfanza e ch’al ha dà bler da zambregiar e da lignar.

Vera Kaa: Zieht mi zu der he

6:50 min, La truvaglia dals 28.09.2016

Vera Kaa: Es zeiht me zu der hi

«Schnulza» or dal repertori dialectal-schwyzerdütsch che faschess buna parita en in film romantic svizzer.

Clammbon: Machiwabi Machisabi

5:11 min, La truvaglia dals 28.09.2016

Clammbon: Machiwabi Machisabi

In exempel per tipica musica da J-Pop, vul dir pop giapunais, cun trantertuns da jazz e da «rock canerus».

Gustavo Cerati: Karaoke

6:15 min, La truvaglia dals 28.09.2016

Gustavo Cerati: Karaoke

Tenor Benedetto Vigne in dals megliers rockadurs dal mund, quest chantautur argentin mort prematuramain il 2014, qua cun la reflexiun d’ in tradiment amurus.

JPP: Pelimannin Kosto

6:00 min, La truvaglia dals 28.09.2016

JPP: Pelimmanin Kosto

Fränzlis à la finnlandaisa, timunads da la famiglia Järvelä e marcads da spiras gias ed in harmonium, cun il toc «la vendetga dal Pellimanni».

Fatgs e cifras

  • Passa 2500 Truvaglias hai dà en tut.
  • L’emprima Truvaglia è vegnida emessa ils 6 da november 2006. Igl era ina chanzun rara dals Beatles («That Means A Lot»), interpretada da la gruppa basilensa The Saltbee.
  • La chanzun passada il pli savens è stada «(I cant get no) Satisfaction», en 5 diversas versiuns (Otis Redding; Devo; Junior Wells; Pyx Lax; Samantha Fox).
  • Il num ch’è cumparì il pli savens è stà - sco interpret, sco autur u en cumbinaziun cun ils Beatles - John Lennon (42 x).
  • La Truvaglia la pli curta è stada «I Wanna Be Your Man» dals Rolling Stones (1 minuta e 40), passada però en cumbinaziun cun l’original dals Beatles (05-11-13).
  • La Truvaglia la pli lunga è stada il «Radar Love» dals Golden Earring, 7 minutas e 40 (11-03-08). La segund lunga è dal reminent stada «Al mar» da Corin Curschellas (29-06-07).
  • En tut han figurà 10 chanzuns rumantschas en la Truvaglia, tranter quellas la «Machöja» da la gruppa Dure.
  • A propos da Truvaglias exoticas: 4 chinaisas, 3 giapunaisas e 2 thailandaisas hai dà.
  • La pli radicala è passada ils 27 d’avrigl 2016, 2 minutas e 30 dad in unic strasun monoton, producì dal musicist classical-minimalistic american Tony Conrad († 2016).
  • Rafael Müller, collega schurnalist tar RTR, ha scrit il 2014 ina lavur scientifica davart l’aspect linguistic aparti da la Truvaglia.