Siglir tar il cuntegn

Header

cuntegn

Mx3 – Tuts per in Superfantastico! «Valentina» è la selecziun per quest november

Pascal Gamboni po preschentar sia chanzun «Valentina» a l’entira svizra. Quai grazia a la plattafurma «Mx3 – tuts per in».

Cun «Valentina» è Pascal Gamboni il terz rumantsch che survegn la schanza da preschentar ina chanzun en tut las regiuns da la Svizra. L’acziun «Mx3 – tuts per in» vegn purtada communablamain dals radios SRF3, Rete Tre, Couleur3 e RTR. Mintga mais vegn selecziunada ina chanzun ch’è silsuenter d’udir mintga di sin mintgin da quests radios.

Everybody Wants the Honey

Suenter che Pascal Gamboni ha preschentà tar nus l'october ses nov album «Everybody Wants the Honey» survegn el uss pia la pussaivladad da sa preschentar cun la «Valentina» al public svizzer.

Mx3 – tuts per in

Avrir la box Serrar la box
Legenda: RTR

L'unitad fa la forza! Ils quatter radios SRF3, Couleur 3, Rete Tre e RTR scuvran e promovan mais per mais ina nova chanzun svizra. Las redacziuns da musica da RTR, RSI, RTS e SRF preschentan communablamain musica ch'ha attratg l'attenziun da las redacziuns. E quai exclusivamain per chanzuns, ch'èn da chattar sin mx3.ch.

Artitgels legids il pli savens