Varnish La Piscine sa preschenta cun differents nums. Tscherts enconuschan el cun ses num d'artist Pink Flamingo u era ensemen cun Makala sco duo «Les frères de la piscine». Per propi ha il giuven da Genevra num Jephté Mbisi dentant, sa dat el tutta fadia da mascrar sia vaira identitad. Ed uschè sa preschenta il rapper e producent ussa cun il num nov Varnish La Piscine. Sut quei pseudonim fa el musica experimentala che ballantscha tranter funk e rap. Per il settember preschenta el la chanzun «Supernova».
L'unitad fa la forza! Ils quatter radios SRF3, Couleur 3, Rete Tre e RTR scuvran e promovan mais per mais ina nova chanzun svizra. Las redacziuns da musica da RTR, RSI, RTS e SRF preschentan communablamain musica ch'ha attratg l'attenziun da las redacziuns. E quai exclusivamain per chanzuns, ch'èn da chattar sin mx3.ch.