Siglir tar il cuntegn
cuntegn

RTR – mia playlist La playlist dals «Vagabunds»

La musica da tschaiver da Sedrun ha fatg la schelta per la musica dals 7 da favrer tranter las 8 e las 9.

Ils «Vagabunds» da Sedrun sunan en lur costums.
Legenda: Ils «Vagabunds» da Sedrun. MAD

Per la gugga da Sedrun ha la gievgia grassa ina gronda muntada. Gia la damaun a las 6 suna la musica da tschaiver e fa dasdar ils convischins da Sedrun. Il suentermezdi datti in til e la saira vegni lura fatg gronda festa en tenda.

Ils «Vagabunds» sa preschentan

Num: Vagabunds

Motto: Assassin’s Creed

Onn da fundaziun: 1986

Via da fundaziun: Il 1986 han dus amaturs da tschaiver gì l’idea da fundar ina gugga. Cun 18 auters musicants han els lura realisà quell’idea. Natiralmain s’auda era in costum vitiers. Ils da Sedrun han perquai fatg lur emprims costums ord satgs da café. Sin fundament da quels satgs, han els era elegì il num «Vagabunds».

Dirigent: Julian Monn

Commembers: 38

Danunder èn ils musicants: 35 commembers vegnan da Tujetsch ed ils trais ulteriurs da la vischnanca da Sumvitg.

Vegliadetgna media: 22

Toc preferì: «Sierra Madre»

Tschaiver preferì: Gievgia grassa a Sedrun

Tschaivers per onn: Ils «Vagabunds» sa participeschan a circa 7 tschaivers per onn. Duas ulteriuras preschentaziuns han els en las ustarias da Sedrun ed a la «Dretgira nauscha» a Mustér.

Onns decisivs: Avant dus onns ha la gugga da Sedrun gì lur giubileum da 30 onns. Quel han els festivà cun crear in car per il til da tschaiver tut spezial.

Tar ils «Vagabunds» datti in spezial usit, cura ch’ins vegn nov en la musica. L’emprim onn ston ils novizs mintgamai purtar in grond «L» si dies. Cura ch’ins è lura 10 onns commember survegnan ins in «R» enturn culiez. Quel vegn lura era malegià sin fatscha e stat per «Routinier».

Da rock fin rap rumantsch

La musica da tschaiver da Sedrun taidlan musica da Rock fin tar R&B e pop tudestg. Els han dentant era ina chanzun rumantscha da la gruppa da rap da la regiun, las Liricas Analas, en lur playlist.

Ils titels en l'emissiun

Ils titels en l'emissiun
TITELINTERPRETSELECZIUNÀ DA
Rose TattooDropkick MurphysSebastian Vincenz
Clint EastwoodGorillazStephan Vögtli
Unter den WolkenDie Toten HosenMarc Berther
I Love ItHilltop Hoods feat. SiaChiara Degonda
Leave A Light OnTom WalkerTatjana Curschellas
WorthyJacob BanksGiulia Berther
ParadiseColdplayJoelle Monn
KogongMark ForsterPetra Deplazes
RainThe ScriptAlina Curschellas
Hips Don't LieShakira feat. Wyclef JeanLivio Decurtins
Da bassLiricas AnalasJulian Monn
Whatever It TakesImagine DragonsLorena Marino
SecretsOneRepublicRomina Decurtins

RR actualitad 08:00