Quatter classas da las scolas superiuras da Casti, Favugn, Laax e Zuoz han fatg la selecziun da la musica che vegn emessa mintgamai il venderdi tranter las 07:00 a las 08:00. Ils scolars han fatg la schelta da lur musica preferida che duai accumpagnar tras la damaun al Radio Rumantsch. La redacziun da musica da RTR plazzescha lura quella playlist enstagl dal program da radio usità.
Bain inqual surpraisa
Uschia po quai bain capitar ch’ins auda tuttenina AC/DC ubain in u l'auter titel actual da la parada da hits, chanzuns ch’ins n'auda uschiglio betg la damaun en il program dal Radio Rumantsch.
Per cura ha tge classa fatg la playlist?
Data | Classa | Lieu |
---|---|---|
1. december | 2. e 3. secundara | Casti |
8. december | 2. e 3. secundara | Zuoz |
15. december | 2. classa superiura B | Laax |
22. december | scola superiura | Favugn |
E sche vus avais mirveglias, tge chaus che han fatg quellas playlists: Ils scolars sa preschentan gist sez en in curt video.