Siglir tar il cuntegn

Header

audio
15 onns Mx3.ch
Or da Actualitad dals 16.09.2021.
laschar ir. Durada: 07:27 minutas.
cuntegn

Mx3 15 onns Mx3, la plattafurma da musica da la SSR

Il lieu en la rait cun tschients d’artistas e bands e sur 120’000 chanzuns.

Mx3 festivescha ses 15avel anniversari

Gia a partir dals onns 90 exista in inscunter da las terzas chadainas da la SRG/SSR, da SRF 3, Couleur3, Rete Tre ed SRF Virus. Per RTR era da lezzas uras il Battaporta represchentant en quella gruppa. La finamira era da far acziuns cuminaivlas, sa preschentar a festivals da musica, barattar concerts e registraziuns.

Mx3
Legenda: Mx3 RTR

L’idea

 Il 2004 aveva quella gruppa survegnì l’incumbensa da crear in project pli ambizius cun integrar tut ils radios ch'èn sa participads. Ina da las ideas è stada quella da stgaffir ina plattafurma digitala e gratuita per la musica svizra, per pop e rock, hip hop e funk, jazz e reggae. La finamira principala: promover musica svizra ed augmentar sia preschientscha en ils radios da la SSR.

 La sfida

In dals gronds puncts da resolver: las dumondas tecnicas, co construir la plattafurma, tge pussaivladads datti per artistas e bands, tge niz ha noss public? Il svilup da l’emprima versiun da Mx3 ha durà divers mais, fin che tut las pretensiuns èn stadas accumplidas. Per exempel: chattar bands ed infurmaziuns tenor gener e regiuns e pudair tadlar lur chanzuns e vesair lur videos.

La partenza

Ils 15 da settember dal 2006 è stà il di da partenza da Mx3, e tut ils involvids eran plain mirveglias. Vegn quai a funcziunar bain – u datti in flop? La resposta è stada ina gronda surpraisa. Suenter be 48 uras eran s’annunziadas 1'000 artistas e bands cun lur chanzuns, biografias, fotografias, videos e chalenders da concerts. Uss, 15 onns pli tard, datti prest 30’000 bands ed interprets ed interpretas da tut las regiuns sin Mx3, per las redacziuns da musica ina funtauna preziusa per scuvrir musica nova. Ed er la Svizra rumantscha è preschenta cun artistas ed artists: da Pascal Gamboni fin Chiara – e da Gianni Tschenett e sia band Oak Street fin tar Curdin Nicolay. Actualmain datti mintga di var 100’000 visitas sin la pagina.

Il svilup: adina dapli pussaivladads

Mx3
Legenda: Mx3 RTR

Pli tard è l’offerta da Mx3 vegnida augmentada. Er festivals, clubs e labels da musica han survegnì l’occasiun da sa participar, i dat playlists da tut ils geners, las bands pon er preschentar lur videos, i dat pussaivladads per far concurrenzas e da gudagnar per exempel preschientscha tar festivals ed open airs. Ed il svilup cuntinuescha.

Il stream à la carte

Quai è in player da musica che po vegnir configurà. El mussa lura il meglier da las 120’000 chanzuns e videos sin Mx3. Dapi 15 onns selecziuneschan las redacziuns da musica affiliadas la musica. Quella datti uss er sin il smartphone ubain sco widget. Qua rivas ti sin noss stream à la carte:

Mx3 en cifras

Avrir la box Serrar la box

0 reclama e tut gratuit (+ la musica pon ins tadlar er senza avair in conto)

1. mx3.ch / 2. volksmusik.mx3.ch / 3. neo.mx3.ch (musica svizra da tut ils geners sin in’unica plattafurma naziunala)

4 regiuns linguisticas discurran ina lingua: musica

5 radios fundaturs, precis 5: SRF 3, Couleur3, Rete Tre, RTR e SRF VIRUS!

6 novas bands e quai en media mintga di

7 cusseglieras e cussegliers federals taidlan musica sin mx3.ch... la cumprova: https://mx3.ch/t/1myF

8x15 la meglra show da musica svizra dal viv è sa furmada tras ina collavuraziun da VIRUS e Mx3

9 videos novs vegnan mussads mintga mais da Mx3 sin SRF dus (SRF Selection Musik)

10 DJs fan ir en media mintga notg musica svizra sin Virus Linear

11 milli titels van en media mintga di sin mx3

12 x 2 radios affiliads van sin Mx3 per scuvrir e chattar buna musica per lur program

13% da las bands sin mx3 èn vegnidas emessas en in dals radios

14 mais, quai è il temp che ti duvrassas per tadlar tut ils 140’000 titels ch'èn da chattar sin Mx3

15 onns ils 15 da settember, però nus festegiain pir ils:

16

Ed ultra da quai:

+600'000, quai è il dumber da chanzuns svizras che SRF Virus ha emess en ses program da notg dapi che Mx3 Linear è vegnì lantschà.

2 da 3 chanzuns sin Mx3 surpassan ils cunfins linguistics, vul dir: sch'in dals radios emettess in toc vegn quel er emess d’in auter radio en in’autra regiun.

RTR actualitad 07:00

Artitgels legids il pli savens

Scrollar a sanestra Scrollar a dretga