Siglir tar il cuntegn

Header

audio
Valentin Kopp daventa Valentino Vivace
Or da RTR Audio dals 04.04.2022.
abspielen. Laufzeit 2 minutas 16 Sekunden.
cuntegn

Mx3 – tuts per in avrigl Valentino Vivace – «Come mai»

Per ina giada na deriva la musica taliana betg da noss collegas da RSI mabain da SRF. Els han proponì «Valentino Vivace» cun sia emprima single ch’è medemamain sia emprima single per talian.

Per ses project da solo ha tschernì Valentin Kopp senza far lungas il num d’artist Valentino Vivace. Pervia da sias ragischs en il Tessin è il num talian stà datiers ad el. Vivace, plain vita per rumantsch, haja el tschernì perquai ch’el haja duvrà in num cun «V» e quel haja descrit sia persunalitad il meglier. Valentino Vivace na saja dentant betg ina figura artistica – per almain 90% saja el propi uschia, schizunt la frisura da VoKuHiLa ed il stil da resti extrovertì s’audi tar ses mintgadi. L’amatur da musica che ha fatg in studi da musica a Losanna ed a Turitg è da chattar en diversas furmaziuns. Tranter auter tar «Bumblebees», «Mält» e «Chemical Fame». Uss ha el cumenzà cun ses project da solo e dastga durant l’avrigl preschentar si’emprima single «Come Mai» en ils radios da SRF 3, Couleur 3, Rete Tre ed RTR.

Mx3 – tuts per in

Avrir la box Serrar la box
Il logo da la seria Mx3 - tuts per in.
Legenda: RTR

L'unitad fa la forza! Ils quatter radios SRF3, Couleur 3, Rete Tre e RTR scuvran e promovan mais per mais ina nova chanzun svizra. Las redacziuns da musica da RTR, RSI, RTS e SRF preschentan communablamain musica ch'ha attratg l'attenziun da las redacziuns. E quai exclusivamain per chanzuns, ch'èn da chattar sin mx3.ch.

RTR musica 10:30

Artitgels legids il pli savens

Scrollar a sanestra Scrollar a dretga