Siglir tar il cuntegn

Header

cuntegn

Mx3 – tuts per in Matilde – «Disadattata»

Chantar, sunar ghitarra e clavazin e scriver texts ha la giuvna tessinaisa l’entschatta emprendì sur sasez.

Pli tard, cura ch’ella ha pli e pli fitg chattà il plaschair da la musica ha ella cumenzà cun curs per sa perfecziunar. Durant quai temp ha era sia carriera musicala cumenzà. Emprim en il mund dals musicals. Suenter ha ella fatg in pass davos las culissas sco tecnicista da tun. Malgrà sia rolla sper tribuna ha ella dentant lura publitgà sia emprima single «Come un gioco» e cun quella gist retschavì il premi Mogol e collià cun quest premi era in stipendi tar la scola da musica taliana CET – Centro Europeo di Toscolano. Cun sia single actuala «Disadattata» survegn ella la chaschun da sa preschentar durant l’october en ils radios en l’entira Svizra.

Mx3 – tuts per in

Avrir la box Serrar la box
Il logo da la seria Mx3 - tuts per in.
Legenda: RTR

L'unitad fa la forza! Ils quatter radios SRF3, Couleur 3, Rete Tre e RTR scuvran e promovan mais per mais ina nova chanzun svizra. Las redacziuns da musica da RTR, RSI, RTS e SRF preschentan communablamain musica ch'ha attratg l'attenziun da las redacziuns. E quai exclusivamain per chanzuns, ch'èn da chattar sin mx3.ch.

Artitgels legids il pli savens

Scrollar a sanestra Scrollar a dretga