Cun sia novissima single «Tschicago» cumbatta Pascal Gamboni la gritta. Ses simpel med encunter quella è da far musica ed uschia stgatschar la frustraziun e la ravgia. Per el è quai grondius ch’el sa ussa dar enavant ses messadi a l’entira Svizra.
«Tschicago» è l’emprima single da l’album nov che cumpara l’avrigl 2022. Ils ultims dus onns ha Pascal Gamboni publitgà l’album da best of «Arva la mar» ed in cudesch cun ina collecziun da ses texts e melodias. Bleras era translatadas en differentas linguas. Igl è impurtant per el che blera glieud chapescha sia musica perquai ha el era en il video tar la chanzun actuala translatà tschertas passaschas. Ina chaussa ch’el haja emprendì durant ils onns – cun curtas explicaziuns e translaziuns possia il public giudair bler meglier la musica. Uschia è el persvas ch’ina chanzun rumantscha vegn in di a daventar enconuschenta sin l’entir mund.
