Pertge traglischa il pignol da famiglia Risch Concilio il pli fitg da tuts? Co procuravan uffants pli baud per glisch particulara cun agid da «calcadognas»? E daco glischan las stailas en Surses da Nadal en tuttas colurs?
RTR porta la glisch e la splendur da Nadal en Vossa stiva. Nus celebrain ina festa da Nadal acustica durant duas uras ed udin oravant tut bleras vuschs d’uffants. Era giudain nus l’atmosfera unica e tadlain blera musica da Nadal.
Legenda:
Ina festa da Nadal acustica fa RTR durant duas uras.
unsplash
Dar ina vusch als uffants per Nadal
En nossa emissiun faschain nus animals da pasta cun Sandra Risch Concilio e lur uffants. Nus vegnin a savair, pertge che lur pignol è adina spezialmain bel, schebain ch'el sto mintgatant era vegnir rentà vi da la curuna. E nus udin co che la glisch da Betlehem vegn en la stiva dals Rischs.
audio
Famiglia Risch Concilio sa prepara per Nadal-part 1
07:56 min, ord Program spezial dals 24.12.2023.
laschar ir. Durada: 7 minutas 56 Secundas.
audio
Famiglia Risch Concilio sa prepara per Nadal-part 2
05:59 min, ord Program spezial dals 24.12.2023.
laschar ir. Durada: 5 minutas 59 Secundas.
Ultra da quai chantan ils uffants da la Scolina da Surses lur chanzun da Nadal preferida ed els raquintan lur atgna istorgia da Nadal. En quella vegnan striunadas natiers 13 nursas. Quai fa senz’auter senn, damai che quai gida a giats nairs ed era a fugitivs che spetgan bainbaud l’arrivada d’in pitschen uffantet.
1 / 3
Legenda:
In dals quatter tschupels d'advent che la famiglia Risch ha fatg cun premura.
RTR
2 / 3
Legenda:
Ils animalets da pasta, in zic stgir brins, ma tuttina gustus.
RTR
3 / 3
Legenda:
Famiglia Risch Concilio sa prepara minuziusamain per las festas da Nadal.
RTR
audio
Tista Murk "Viagiond cul microfon" 1960 a Mon
06:50 min, ord Program spezial dals 24.12.2023.
laschar ir. Durada: 6 minutas 50 Secundas.
Ils misteris da Nadal da pli baud
En l’emissiun cun tempra da Nadal datti era d'udir ina perla auditiva da temps passads. Il piunier da radio Tista Murk gieva «viagiond cul microfon» en l’emissiun cun il medem num. Il december 1960 è Murk viagià en il vitg da Mon en Val d'Alvra. Là è el fruntà sin intgins misteris da Nadal, raquintads d’abitantas dal vitg. Tge tschaveras da Nadal ch'èn vegnidas sin maisa, co ch'ils uffants han passentà ils dis da festa e co ch'els han illuminà la baselgia cun agid da «calcadognas» udis vus en noss'emissiun speziala da Nadal.
audio
Ils uffants da la Scolina da Surses raquintan lur istorgia
06:45 min, ord Program spezial dals 24.12.2023.
laschar ir. Durada: 6 minutas 45 Secundas.
1 / 7
Legenda:
Il maletg sin la cuverta da l'istorgia «Zilly e Zingaro, las 13 nursas e Nadal», malegià da Lina.
RTR
2 / 7
Legenda:
Questa notg dastga Zingaro durmir en il letg da Zilly, ord «Zilly e Zingaro, las 13 nursas e Nadal», malegià dad Ennio.
RTR
3 / 7
Legenda:
Zilly e Zingaro han decorà tut bel cun cullas da launa, ord «Zilly e Zingaro, las 13 nursas e Nadal», malegià da Yaron.
RTR
4 / 7
Legenda:
Quella notg traglischavan las stailas en tut las colurs vi dal tschiel, ord «Zilly e Zingaro, las 13 nursas e Nadal», malegià da Luca.
RTR
5 / 7
Legenda:
Il pignol cun las cullas da launa coluradas da la Scolina da Surses.
Daniela Steier
6 / 7
Legenda:
Las barloccas coluradas da la Scolina da Surses.
Daniela Steier
7 / 7
Legenda:
Las stailas coluradas da la Scolina da Surses.
Daniela Steier
