Siglir tar il cuntegn
Inhalt

Nossa litteratura Peer, Oscar

Curta biografia dad Oscar Peer, naschì ils 23-04-1928 a Lavin. Mort ils 22-12-2013 a Cuira.

Oscar Peer al computer.
Legenda: Oscar Peer. RTR

Oscar Peer è creschì si en l'Engiadina. Suenter il temp da scola ha el cumenzà in emprendissadi sco serrer da maschinas, ch'el n'ha dentant betg finì. Enstagl ha el fatg il seminari da scolasts a Cuira e dà scola a Tschierv e Favugn. Pli tard ha el studegià romanistica e germanistica a Turitg e Paris e promovì sco dr. phil. Alura ha el elavurà per la Lia rumantscha il "Dicziunari ladin-tudais-ch". Plinavant ha el instruì franzos e talian a Winterthur. 1970 è el turnà en il Grischun per dar scola al seminari da scolasts a Cuira. Suenter sia pensiun ha Oscar Peer sa deditgà al scriver. Il scrivent rumantsch è mort la dumengia ils 22-12-2013 en la vegliadetgna da 85 onns.

Intginas ovras:

  • La chasa veglia (1952)
  • Accord (1978)
  • Eva (1980)
  • Viadi sur cunfin (1981)
  • Nozzas d'inviern (1988)
  • Il grond Corradi (1990)
  • Intermezzos (2002)
  • Akkord - Il retuorn (2005), vallader / tudestg
  • In tschercha dal figl (2005)
  • Das Raunen des Flusses (2007), tudestg
  • Eva ed il sonch Antoni (2013), vallader / tudestg

Film:

  • Scenari per il film "Retuorn" tenor la novella "Accord" (1983)

Distincziuns:

  • Premi Schiller, 1977
  • Premi da renconuschientscha dal chantun Grischun, 1983
  • Premi da cultura grischun, 2003