Il bel durant in viadi en in’autra tiara è la cultura indigena ch’è savens in pau autra che a chasa. En quest’emissiun faschain in viadi en differents pajais e pudain tadlar co quels tunan. Vus pudais tadlar il chant tipic da la Russia dal «Don-Kosaken Chor» ubain il «Stellenbosch University Choir» da l’Africa dal sid cun ina chanzun plain plaschair da viver ed anc bler tranteren. In viadi musical d’exploraziun atras l’entir mund cun Noss Chors.
En noss archiv da musica èn da chattar nundumbraivlas registraziuns da chors - en spezial chors rumantschs e grischuns.
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.
