Siglir tar il cuntegn

Header

audio
Passiun e levada
Or da Noss chors dals 12.04.2022.
abspielen. Laufzeit 1 minuta 1 Sekunde.
cuntegn

Noss chors Passiun e levada

Dumengia passada ha l’emna sontga entschet. Perquai chantan «Noss chors» oz chanzuns da la curaisma e da Pasca.

L’emna sontga cumenza cun la dumengia da palmas, l’entrada da Jesus a Jerusalem. Silsuenter suonda la gievgia sontga, cura che Jesus ha festivà la Sontga Tschaina e lavà ils pais als 12 giuvnals. In di suenter, da venderdi sontg, è el lura ì la via da la crusch ed è vegnì crucifitgà. La sonda sontga suonda il di dal ruaus da morts e la dumengia da Pasca è Jesus levà da mort en vita.

En l’emissiun dad oz chantan Noss Chors per accumpagnar il temp da la curaisma e da Pasca. L’emissiun è en trais parts. L’entschatta fan parts dal disc «Passiun e levada da Jesus Christus» cun il chor maschadà da Schlans ch’è vegnì registrà l’onn 1999. En la secunda part avain semtgà diversas chanzuns tar l’emna sontga. Alla fin datti anc chant da l’exteriur cun quatter chors europeics e chanzuns selecziunadas da l’EBU (European Broadcasting Union) a posta per quest temp da primavaira e Pasca.

Abunar la newsletter da chors

Artitgels legids il pli savens

Scrollar a sanestra Scrollar a dretga