Siglir tar il cuntegn

Header

cuntegn

Baratta-Chor BarattaChor: Flavia Walder tar il Chor maschadà grischun Turitg

Passa 150 km è la distanza tranter Sevgein e Turitg. Ma Flavia Walder ha fatg gugent il viadi per diriger ina giada in chor ch’è dal tuttafatg nunenconuschent ad ella.

Co vinavant cun BarattaChor?

Avrir la box Serrar la box
Legenda: RTR. Alice Bertogg

Ils 12-12-2017 fa Remo Weishaupt il proxim appel per barattar cun in auter dirigent u in’autra dirigenta per in’emprova il chor. Quest barat vegn ad avair lieu il schaner 2018.

Annunzias a partir dals 12-12 fin ils 25-12 cun il formular sin rtr.ch.

Remo Weishaupt dirigia dapi 21 onns il Chor maschadà grischun Turitg. El haja pudì profitar da guardar co Flavia lavura cun il chor. Ed el haja gì plaschair da vesair quant focussà che ses chor haja lavurà cun la dirigenta da barat. Magari fetschia quai bain d’udir il medem cun auters pleds e dad in’autra persuna, manegia Remo Weishaupt. Tut tenor il motto: «Scua nova, scua bain».

Buna disciplina era a Turitg

Remo Weishaupt aveva ludà a Sevgein la buna disciplina dal chor da Flavia Walder. Cun sentiments maschadads è ella lura ida a l’emprova a Turitg. Là ha ella constatà ch'era il chor da Remo lavura fitg conscienzius e focussà. Remo Weishaupt ha declerà la situaziun ed è s’exculpà tar ses chor.

Jeu n’avevel betg manegià a Sevgein che mes chor na saja betg disciplinà, ma là er'jau enorm surstà con focussada che la concentraziun era. Forsa hai jau duvrà ils pleds fallads e ma stoss perstgisar tar mes chor.
Autur: Remo Weishaupt dirigent Chor maschadà grischun Turitg

Flavia ed il Chor maschadà grischun Turitg

Il Chor maschadà grischun Turitg n’è betg dal tut in chor nunenconuschent per Flavia Walder. Cura che Remo Weishaupt ha gì surpiglià il chor ils onns 90 ha Flavia chantà l’emprima giada ina part solista en collavuraziun cun il chor. Ella aveva lura 14 onns. E gia ses geniturs e sias ondas han chantà en il Chor maschadà grischun Turitg.

R8R actualitad 11:00

Artitgels legids il pli savens