Baratta-Chor - BarattaChor – Josefina Blumenthal-Cadruvi tar il Chor masdo Alvra

• Il Chor masdo Alvra ha gia per la segunda giada survegnì in auter dirigent. Questa giada ha Josefina Blumenthal-Cadruvi – dal Chor mischedau catolic Sagogn – surprendì la batgetta.
• Sper il chantar è per Josefina Blumenthal il stgaudar en e chantar en fitg impurtant.

audio

Mezdi: BarattaChor – Josefina Blumenthal-Cadruvi tar il Chor masdo Alvra

02:42 min, ord Actualitad dals 13.03.2018.

laschar ir. Durada: 2 minutas 42 Secundas.

Per ina saira ha il Chor masdo Alvra gì ina dunna sco dirigenta. Josefina Blumenthal che dirigia dapi trais onns il Chor mischedau catolic da Sagogn è stada lur scheffa per ina saira. Cunzunt ils exercizis da stgaudar en e sia moda loma han plaschì a chantaduras e chantadurs.

Per Jürg Wasescha va l'acziun «BarattaChor» uss en la davos runda. L'um ch'è musicist da professiun ha pudì profitar da Remo Weishaupt en chaussa didactica e da Josefina Blumenthal surprenda el intginas ideas per stgaudar en ses chantadurs avant che chantar. Uschia sa il Chor masdo Alvra far quint cun dapli gimnastica durant las provas da chant.

1 / 4

Legenda: Jürg Wasescha surdat la batgetta a Josefina Blumenthal che dirigia uschiglio il Chor mischedau catolic da Sagogn. RTR, Alice Bertogg

2 / 4

Legenda: Sa stender e far gimnastica è adina en il repertori da Josefina Blumenthal. RTR, Alice Bertogg

3 / 4

Legenda: Josefina Blumenthal è stada en il focus la saira da chant cun il Chor masdo Alvra. RTR, Alice Bertogg

4 / 4

Legenda: «Tschiel nocturn» è ina da las chanzuns che Josefina Blumenthal-Cadruvi ha exercità cun il Chor masdo Alvra. RTR, Alice Bertogg

L'aventura «BarattaChor» cuntinuescha a Sagogn

Sco proxim dirigia Jürg Wasescha il Chor mischedau catolic da Sagogn. Quai la fin da mars. Lura tschertga Josefina Blumenthal ina dirigenta u in dirigent che baratta cun ella il chor.

RR actualitad 11:00