Baratta-Chor - «BarattaChor»: Jürg Wasescha tar il Chor maschadà grischun Turitg

• Suenter Flavia Walder ha Jürg Wasescha fatg ina prova da chant cun il Chor maschadà grischun Turitg
• Sco proxim fa Remo Weishaupt la prova cun il Chor masdo Alvra
• Era suenter che l’acziun BarattaChor è a fin per ils dus dirigents, cuntinuescha lur collavuraziun.

audio

Bunura: BarattaChor – Jürg Wasescha dirigia «ester» a Turitg

03:54 min, ord Actualitad dals 16.01.2018.

laschar ir. Durada: 3 minutas 54 Secundas.

L’impurtant per tudestg ed il rest per rumantsch

«Chapis mai?» – quai è stada l’emprima dumonda ch’il dirigent surmiran ha tschentà a las chantaduras ed als chantadurs dal Chor maschadà grischun Turitg. Ils blers derivan da la Surselva, però i dat er chantaduras e chantadurs da lingua tudestga che giaudan la cumpagnia en il chor rumantsch. Uschia è Jürg Wasescha sa decidì: «Jau fatsch mez e mez, sch'igl è insatge impurtant per tudestg ed uschiglio rumantsch.»

Legenda: Marcel Urech chanta en il bass. RTR, Gion Gieri Flepp

Quai dirigent [Jürg Wasescha] è stà fitg energic. Quai ha dà nov schlantsch. Quai è stà bel.

1 / 9

Legenda: Ils dus dirigents Remo Weishaupt e Jürg Wasescha. Avant ch'ì va liber cun l'emprova sa discurran ils collegas anc ina giada. RTR, Alice Bertogg

2 / 9

Legenda: La clav da BarattaChor La clav da tun da BarattaChor è ida da Sevgein a Turitg. Sco proxim cuntinuescha il viadi en Val d'Alvra. RTR, Alice Bertogg

3 / 9

Legenda: Questa giada chanta era il dirigent. Attentamain persequitescha Remo Weishaupt la prova da ses collega. RTR, Alice Bertogg

4 / 9

Legenda: Far ordavant e laschar chantar suenter. Jürg Wasescha ha dastgà instruir in chor fitg attent. RTR, Alice Bertogg

5 / 9

Legenda: Bia buna luna e bien svung. Chantaduras e chantadurs èn sa participads cun corp ed olma a la prova. RTR, Alice Bertogg

6 / 9

Legenda: Concentraziun cumplaina. Era sche las dunnas han in curt mument pausa, èn ellas focussadas. RTR, Alice Bertogg

7 / 9

Legenda: Quai vegn bun! Anc ina giada ed anc ina giada.... RTR, Alice Bertogg

8 / 9

Legenda: Surpraisa cun schlantsch. «Grüezi, Bonjour, Hello, Ciao, ciao, ciao» e tut quai cun moviment. RTR, Alice Bertogg

9 / 9

Legenda: Surmiran total. La «Clera notg» conta Jürg Wasescha era cun il Chor masdo Alvra. RTR, Alice Bertogg

La surpraisa

Ils dus dirigents han fatg giu ordavant tge e co che Jürg Wasescha fa l’emprova dal barat. Remo Weishaupt ha dentant laschà grondas libertads a ses collega e lez ha era gì pront ina surpraisa en furma d'in canon. «Grüezi, Bonjour, Hello, Ciao, ciao, ciao» han chantaduras e chantadurs chantà in tranter l’auter e vitiers ha il musicist da professiun anc mussà ils moviments correspundents. Questa surpraisa musicala ha schluccà la prova. Jürg Wasescha ha lavurà fitg intensiv vid diversas chanzuns, tranter auter era vid la chanzun surmirana «Clera notg» da Gion Duno Simeon e Peder Cadotsch.

Legenda: Irena Tuor chanta en la vusch d'alt. RTR, Gion Gieri Flepp

Jau crai, ses dun da motivar la glieud - saja quai cun mimica u cun il tun da la vusch - è fitg grond.

Betg il davos inscunter cun Jürg Wasescha

Sco proxim surpiglia Remo Weishaupt ina prova da chant cun il Chor masdo Alvra. Ma era suenter l’acziun da BarattaChor restan ils dus dirigents en contact. Il Chor maschadà grischun Turitg ed il Chor viril rumantsch da Zug, in auter chor che stat sut la batgetta da Jürg Wasescha, concerteschan numnadamain communablamain quest matg.

Legenda: Freddy Huonder chanta en il bass. RTR, Gion Gieri Flepp

Vesair ina giada auters dirigents, betg mo teoreticamain mabain praticamain a lavurar cun nus, quai è stà in plaschair nar.

Cumparegliar ma betg valitar

Per las duas davosas emprovas da chant ha il Chor maschadà grischun Turitg gì dus differents dirigents. Flavia Walder ha fatg l'ultima prova da chant avant la pausa da Nadal, e Jürg Wasescha ha cumenzà l’onn nov cun las chantaduras ed ils chantadurs da Turitg e conturn.

Legenda: Shefali Bardill chanta en il sopran. RTR, Gion Gieri Flepp

Quai è fitg interessant da guardar co auters dirigents lavuran.

RR actualitad 08:00