Baratta-Chor - «BarattaChor» - Remo Weishaupt tar il Chor masdo Alvra - Cultura

Suenter il Chor mischedau Sevgein ha Remo Weishaupt dirigì il Chor masdo Alvra
Jürg Wasescha - il dirigent dal Chor masdo Alvra - è stà intgantà da la cumpetenza didactica da ses collega
Uss tschertga Jürg Wasescha in ulteriur chor ed in dirigent u ina dirigenta che ha plaschair da barattar cun el per ina prova da chant.

Dus umens en discussiun — Legenda: Ils davos cussegls. Remo Weishaupt e Jürg Wasescha discurran anc ils davos detagls avant che la prova cumenza. RTR, Alice Bertogg

Bleras notas sin sutgas — Legenda: Las notas èn prontas. Jürg Wasescha ha semtgà ina pluna notas per Remo Weishaupt ed il Chor masdo Alvra. RTR, Alice Bertogg

Remo Weishaupt sa drizza a pliras persunas — Legenda: Ils mauns en satg. Per la prova da chant ha Remo Weishaupt prendì ils mauns ord satg! RTR, Alice Bertogg

Ina chantadura tranter plirs chantadurs — Legenda: Duas tenösas. Ina da las duas dunnas che rinforzan il tenor dal chor. RTR, Alice Bertogg

Chantaduras e chantadurs en acziun — Legenda: Attenziun cumplaina. Chantaduras e chantadurs dal Chor masdo Alvra han chantà cun attenziun. RTR, Alice Bertogg

Legenda: Auditur attent. Jürg Wasescha persequitescha attentamain la prova da ses chor cun il dirigent ospitant. RTR, Alice Bertogg

Remo Weishaupt durant direger. — Legenda: Lavur intensiva. Remo Weishaupt ha lavurà intensivamain cun las chantaduras ed ils chantadurs. RTR, Alice Bertogg

In chor durant la prova — Legenda: Remo Weishaupt ed il Chor masdo Alvra. Per chantaduras e chantadurs èsi stà ina prova intensiva cun il dirigent ospitant. RTR, Alice Bertogg

In volumen impressiunant

Legende: Audio Remo Weishaupt tar il Chor masdo Alvra abspielen. Laufzeit 3:43 Minuten.

3:43 min, Actualitad dals 30.01.2018.

Remo Weishaupt era impressiunà dal volumen dal Chor masdo Alvra. En la sala da gimnastica a Surava rebattevan las vuschs dals 31 chantadurs e chantaduras da la Val d'Alvra. Tuts eran fitg attents ed han lavurà intensiv cun il dirigent ospitant. Sco Remo Weishaupt ha ditg, saja quai l'avantatg da BarattaChor. Il chor saja bler pli attent e concentrà cun in dirigent ester e quel possia lavurar bler pli intensiv cun las singulas vuschs.

Regurdientschas

Renata Geronimi cun in cudesch — Legenda: La presidenta e «ses» cudesch. En in cudesch ha la presidenta Renata Geronimi rimnà las regurdientschas vi dal giubileum dal 2006. RTR, Alice Bertogg

In cudesch cun fotografias — Legenda: Il cudesch cun regurdientschas. Gia l'onn 2006 ha Remo Weishaupt collavurà cun il Chor masdo Alvra che sa numnava lura anc Chor masdo Alvagni. RTR, Alice Bertogg

Dus umens sin ina fotografia — Legenda: Remo Weishaupt avant passa in decenni. Or da l'album per il giubileum da 10 onns Chor masdo Alvagni. Remo Weishaupt (dretg) durant ina prova da chant cun il chor. RTR, Alice Bertogg

Gia tar il giubileum da 10 onns Chor masdo Alvra l'onn 2006 (lura anc sut il num Chor masdo Alvagni), ha Remo Weishaupt gì collavurà cun il chor. La presidenta Renata Geronimi ha preschentà avant la prova in cudesch cun fotografias dal concert da giubileum, e là datti diversas fotografias cun Remo Weishaupt.

L'aventura «BarattaChor» cuntinuescha per il Chor masdo Alvra

Fertant che l'aventura «BarattaChor» è a fin per Remo Weishaupt, cuntinuescha ella per Jürg Wasescha ed il Chor masdo Alvra. Enfin ils 26 da favrer pon chors e dirigents s'annunziar per il proxim barat che ha lieu il decurs dal mars.