Siglir tar il cuntegn

Baratta-Chor Barattachor: Sergej per Fina a Sagogn

Sch'in Russ interpretescha ina chanzun russa, lura strembla la sala: Sergej Schmidt ha dirigì il chor maschadà catolic da Sagogn.

L'exercizi da chant per il chor maschadà catolic da Sagogn, è sta in divertiment. Las dunnas ed ils umens da Sagogn han giudì il chant cun lur dirigent da Barattachor. Fina Blumenthal, lur dirigenta, aveva elegì in toc russ il «S’nami Bog».

Ins ha sentì che Sergej Schmidt sa chatta da chasa en questa liturgia russa ortodoxa. El interpretescha text e melodia uschia ch'il chor maschadà da Sagogn tuna sco in chor russ. Il pli grond cumpliment per quest chor fa el cun dir:

Els emprendan fitg bain, els midan il tun ed il caracter da la chanzun, ed els n'èn betg steris.
Autur: Sergej Schmidt Dirigent

Ina ura cun Sergej Schmidt è sco sgulada sperasvi, ed ils chantadurs e las chantaduras avessan il pli gugent chantà vinavant.

RR actualitad 11:00

Artitgels legids il pli savens