Pronts per il proxim barat: Il chor maschadà Grischun Turitg

33 chantaduras e chantadurs dumbra il chor maschadà Grischun Turitg. Quai èn oravant tut Grischuns ch’èn sa chasads en la regiun da Turitg. Ma era Turitgais che han plaschair da chantar rumantsch.

Remo Weishaupt dirigia dapi il 1996 il chor maschadà Grischun Turitg. Bild in Lightbox öffnen.

Legenda da maletgs: Dapi passa dus decennis in c(h)or ed in'orma Remo Weishaupt dirigia dapi il 1996 il chor maschadà Grischun Turitg. RTR, Alice Bertogg

  • 13 sopranistas, 11 altistas, 4 tenors e 5 bassists
  • Remo Weishaupt dirigia dapi il 1996 il chor maschadà Grischun Turitg
  • Mintga mesemna è prova da chant da las 19:45 fin las 21:45 en la chasa da scola Limmat a Turitg

Buna cumpagnia e ferm coc

L’onn passà ha il chor maschadà Grischun Turitg festivà ses giubileum da 35 onns. Dapi 21 onns dirigia Remo Weishaupt il chor ed el appreziescha fitg, ch'ina gronda part da las chantaduras ed ils chantadurs chantan cun el dapi l’entschatta ch’el ha surpiglià il chor.

«  Els n’èn insumma betg cumplitgads ed èn adina fitg engaschads da metter enturn quai ch'jau avess gugent dad els. »

Remo Weishaupt
dirigent chor maschadà Grischun Turitg

A las chantaduras ed als chantadurs plascha era la buna cumpagnia. Els sa legran da s’inscuntrar ina giada l’emna per chantar e discurrer rumantsch.

In chor rumantsch per la regiun da Turitg

En il chor maschadà Grischun Turitg chantan oravant tut Grischunas e Grischuns ch’èn emigrads a Turitg e conturn. Qua s’inscuntran Rumantschs oriunds da tut las valladas grischunas. Ma il chor fa era gust a Turitgaisas e Turitgais da sa participar a l’uniun e chantar chanzuns rumantschas.

RR actualitad 11:00