Cura che Flavia Walder ha vis Remo Weishaupt avant ses chor, saja quai stà ester, ma fitg fitg bel. Insaco consteva il maletg era cun Weishaupt ed il chor maschadà da Sevgein, ha la dirigenta concedì. Attentamain ha ella persequità l’emprova dad el e fatg intginas notizias.
Era Remo Weishaupt ha giudì l’emprova cun Flavia Walder e ses chor maschadà Grischun Turitg. Durant il chantar en è el sa participà activamain als exercizis da Flavia Walder ed era el di ch’el haja emprendì ina massa da sia collega. Uschia veglia el chantar dapli a capella cun ses chor.
In’aventura per chantaduras e chantadurs
Era per ils dus chors èsi stà in’aventura tut speziala da sa participar a BarattaChor. Als chantadurs ed a las chantaduras da Turitg hai plaschì sco Flavia Walder ha pachetà ses giavischs musicals en maletgs. Uschia discurriva ella da chantar sco da stritgar paintg u mel grischun sin ina talgia paun.
Las chantaduras ed ils chantadurs da Sevgein han gì da s’endisar l’emprim vid il stil da diriger da Remo Weishaupt. Ma il temp saja passà fitg svelt e l’emprova da chant haja purschì curturella.
S’annunziai per il proxim barat!
Enfin ils 26 da december pon chors e dirigentAs s’annunziar per il proxim barat che ha lura lieu il schaner 2018. Remo Weishaupt ed il chor maschadà Grischun Turitg tschertgan uss in auter dirigent u in’autra dirigenta e ses chor che han gust per sa barattar per in’emprova.
-
Bild 1 von 6. BarattaChor ha muventà. Cun corp ed olma èn chantadurs e dirigent stads en acziun durant il barat. Bildquelle: RTR, Alice Bertogg.
-
Bild 2 von 6. Profitar dal collega. Flavia Walder ha fatg notizias durant che Remo Weishaupt ha dirigì ses chor. Bildquelle: RTR, Alice Bertogg.
-
Bild 3 von 6. Era quai maletg constat. Tenor Flavia Walder vesa quai ora fitg bain sche Remo Weishaupt dirigia il chor maschadà Sevgein. Bildquelle: RTR, Alice Bertogg.
-
Bild 4 von 6. Flavia Walder ed il chor maschadà Grischun Turitg. Sco giuvnetta aveva Flavia chantà sia emprima part solista cun il chor maschadà Grischun Turitg. Bildquelle: RTR, Alice Bertogg.
-
Bild 5 von 6. Paglià ils chantadurs cun mel grischun. Flavia Walder ha laschà stritgar mel grischun sin las pischuttas ed ha uschia stritgà mel enturn las buccas dals Grischuns che chantan a Turitg. Bildquelle: RTR, Alice Bertogg.
-
Bild 6 von 6. Auditur attent. Remo Weishaupt ha persequità attentamain la prova da chant da sia collega Flavia Walder. Bildquelle: RTR, Alice Bertogg.
RR actualitad 11:00