Alexander Maissen è naschì l'onn 1929 a Dardin. L'onn 1950 ha el fatg la matura al gimnasi da la Scola claustrala a Mustér. Il studi da veterinari a Berna ha el terminà cun l'examen da stadi l'onn 1955. Suenter dus onns sco praticant ed assistent ha el avert ina pratica a Glion l'onn 1958, nua ch'el ha lavurà enfin il 1995.
Durant ils onns 1981 enfin 1985 è Alexander Maissen stà president cirquital ed a partir da l'onn 1983 enfin l'onn 1989 deputà en il Cussegl grond. El viva cun sia dunna a Glion.
Ovras
- Ier ed oz, poesias, 2004
- Ragischs, Tschespet, 2016