Arno Camenisch ha frequentà la scola primara e secundara a Danis/Tavanasa. Silsuenter ha el fatg il Seminari da scolasts a Cuira. I suondan viadis extendids tras l'Europa, l'Australia e l'America dal Sid. Dal 2004-2007 ha Arno Camenisch vivì a Madrid. Dapi il 2007 viva el a Bienna, nua ch'el ha studegià l' Institut svizzer da litteratura e nua ch'el lavura ussa sco autur liber.
Arno Camenisch è commember dal ensemble da spoken-word "Bern ist überall" e vala sco performader brigliant da ses texts. El scriva per tudestg e rumantsch (sursilvan) lirica, prosa e texts per il palc. En ses emprims trais cudeschs ha el era sviluppà sia atgna lingua litterara sin il cunfin tranter rumantsch e tudestg, ina maschaida che s'orientescha a la lingua da mintgadi. Sias ovras èn vegnidas translatadas en numerusas linguas, tranter auter p.ex. en chinais, svedais u englais.
Intginas ovras:
- Ernesto ed autras manzegnas, rumantsch, 2005
- Sez Ner, rumantsch e tudestg, 2009
- Hinter dem Bahnhof, tudestg, 2010
- Las flurs dil di, rumantsch, 2013
- Fred und Franz, tudestg, 2013
- Nächster Halt Verlangen, tudestg, 2014
- Die Kur, tudestg, 2015
- Die Launen des Tages, tudestg, 2016
- Der letzte Schnee, 2018
Gieus auditivs ed emissiuns da radio:
- Tiara blaua - tiara mia, ensemen cun Rafael Camenisch, Radio Rumantsch, 2004
- Impuls, Radio Rumantsch, 2005-2009
- Ustrinkata, producziun SRF
- Fred und Franz, producziun SRF 2014
Distincziuns/contribuziuns:
- Plema d'aur, 2001
- Premi dal public als Dis da Litteratura a Domat, 2003
- Contribuziun ad in'ovra GiuRu, 2006
- Contribuziun ad in'ovra Pro Helvetia, 2007
- Premi da litteratura da Berna, 2010 e 2011
- Premi Schiller da la ZKB, 2010
- Premi Term Bel, 2010
- Premi da promoziun dal chantun Grischun, 2010
- Premi svizzer da litteratura, 2012
- "Sez Ner" sin la shortlist dal Rauriser Literaturpreis, 2010
- Premi da promoziun Hölderlin da la citad da Bad Homburg, 2013
- Premi da cultura da la Raiffeisen, 2013
- Premi Gottfried-Keller da la Fundaziun Martin-Bodmer, ensmen cun il collectiv d'auturs "Bern ist überall", 2013
- Premi da promoziun per litteratura comica da la citad da Kassel, 2015
