Claudia Cadruvi è creschida si a Cuira. Il 1986 ha ella fatg la patenta da scolasta primara ed il 1990 ha ella finì l'emprendissadi da cuschiniera. Suenter ha ella lavurà temporarmain sco scolasta e sco cuschiniera en differents lieus. In onn ha ella vivì en l'Italia, nua che sia emprima figlia è naschida. Il 1994 ha ella cumenzà tar il Bündner Tagblatt/La Nova sco schurnalista ed è suenter daventada redactura tar l'Agentura da novitads rumantscha (ANR). Là tgira ella tranter auter tematicas da la politica naziunala e scriva davart Rumantschas e Rumantschs da la Bassa. Claudia Cadruvi viva oz ad Uznach, ella è maridada ed è mamma da trais uffants.
Dapli
Intginas ovras
- La racolta dals siemis u Pulmex e maionesa, 2000
- Capuns ed il stgazi dals franzos. Crimi per uffants u giuvenils, 2003
- Gulasch en schelentera. Crimi per creschids, 2008
- Il bov da Làvaz, 2011
- Da la vita da Ludmilla Cahenzli, 2012
- Omlettas e la battaglia da Lepanto: La segunda aventura da Leci, Laina e Laura, 2013
Distincziuns e contribuziuns
- Premi da promoziun dal chantun grischun, 2003
- Contribuziun ad in'ovra Pro Helvetia, 2003/2011