Jacques Guidon è creschì si a Zernez. El ha fatg il Seminari da magisters a Cuira ed ha suenter studegià magister secundar a l'Universitad da Turitg fin l'onn 1954. Ils onns 1954 fin 1984 ha Jacques Guidon lavurà sco scolast a Puntraschigna, Zuoz ed a Zernez. A partir da l'onn 1984 enfin dal 1994 è el stà collavuratur regiunal da la Lia Rumantscha. Jacques Guidon è era pictur d'art. Sia pictura po vegnir attribuida a l'expressiunissem abstract.
Sia ovra litterara cumpiglia dramas, raquints, aforissems, satiras e gieus festivs. L'onn 1971 ha el confundà la revista satirica «Il Chardun». Spezialmain cun sias publicaziuns e caricaturas en quella revista ha el sa fatg in num sco autur ordvart sociocritic.
Intginas ovras
Dramas:
- L'iral, 1991
- Zisca, 2001
Raquints:
- Raquints, 1989
- «Bras-cher», 1996
Satiras e gieus festivs:
- La svouta, 1999
- La fuschella, 2002
- Cudesch illustrà satiric, 2014
- Aforissems e chazrarias, 2016
Distincziuns
- Premi grischun da cultura (2006)
-
audioJacques Guidon: Intervista davart il teater «Burcart»03:31 min, ord RTR Audio dals 02.11.2015.laschar ir. Durada: 3 minutas 31 Secundas. -
audioJacques Guidon: Latin da Chatscha02:07 min, ord RTR Audio dals 02.11.2015.laschar ir. Durada: 2 minutas 7 Secundas.
-
audioJacques Guidon: 80avel anniversari18:25 min, ord RTR Audio dals 02.11.2015.laschar ir. Durada: 18 minutas 25 Secundas.