Attilio Bivetti, oriund da Segl, è stà durant plirs decennis veterinari per l’Engiadina Ota e la Bregaglia. Dapi la pensiun l’onn 2009 viva el tranter Segl, Fex e Castasegna. El ha publitgà Ventins e ventatschs da Fex (Chasa Paterna 2010) e Nuot Nes (Chasa Editura Rumantscha 2014).
«Il pass da l’impissamaint malign al crim es pü cuort cu que cha tü crajast!»
Uschia lascha Bivetti citar ses protagonist da «L’aungel da Nuot Nes». Ed era las novas istorgias enturn il cumissari e ses assistent Marco Mangiù reveleschan situaziuns dramaticas amez las «prüvedas» vischnancas da l’Engiadina Ota. Ils tschintg cas ch’ils dus criminalists han da resolver questa giada dattan occasiun a lecturas e lecturs dad entrar en profunditads nunenconuschentas dals ambients renumnads per lur surfatscha da cartulina.
Nuot Nes ha midà in pau sia tactica e lavura dapli cun la psicologia. Malgrà sia vegliadetgna è el sa famigliarisà dentant cun il mund virtual, damai che la collavuraziun cun spezialists da computer è bunamain uschè pretensiusa sco quella cun il labor forensic.
RR actualitad 08:00