Tresa Rüthers-Seeli è naschida e creschida si a Falera. Ella ha fatg ina scolaziun sco scolasta da lavur ed ha lavurà plirs onns cun uffants impedids. Durant 12 onns ha ella vivì en l'exteriur, en Frantscha ed en Germania. Dal 1980 enfin dal 1992 ha Tresa Rüthers-Seeli lavurà sco librarista a Constanza. Oz viva ella a Bottighofen en il chantun Turgovia.
Dapi il 1957 ha ella publitgà numerus texts (prosa e lirica) en gasettas, revistas ed antologias – en rumantsch e tudestg. Diversas da sias poesias èn vegnidas messas en notas per chanzuns da chors. I dat diversas translaziuns da ses texts en franzos, spagnol, talian ed arab.
Publicaziuns:
- Tras melli veiders, 1987
- Jeu sai e sai da nuot. Ich weiss und weiss von nichts, 2003
- In cor da glas, 2006
- Aunc melli stads. Noch tausend Sommer, 2015, rumantsch e tudestg
- Diversas publicaziuns en gasettas, revistas ed antologias
Dapli
Distincziuns
- Premi da la Pro Helvetia, 1996
- Invitaziun a l'indeschavel Festival da Poesia a Medellin, Columbia, 2001
- Premi da renconuschientscha dal chantun Grischun, 2003
- Premi da la Fundaziun Schiller, 2004