Siglir tar il cuntegn

Header

cuntegn

Nossa litteratura Benedetto Vigne

Benedetto Vigne, naschì ils 18-09-1951 a Belluno.

Benedetto Vigne è naschì a Belluno en l'Italia e creschì si a Salouf en Surmeir. Suenter ch'el ha frequentà il gimnasi a Mustér, suondan studis da filosofia a Turitg. Vigne ha lavurà blers onns sco schurnalist e criticher da musica a Turitg, ed era sco redactur da musica tar il Radio Rumantsch. El è stà confundatur dals Dis da litteratura a Domat ed è oz anc suprastant da l’Uniun per la litteratura rumantscha. Dasper sia lavur litterara è Benedetto er adina stà regularmain sin tribuna sco rockadur.

Benedetto Vigne scriva ses texts litterars per gronda part en la lingua da standard rumantsch grischun, tant en prosa sco era en lirica e per texts da chanzuns. Uschia ha el p.ex. realisà l’onn 2005 – ensemen cun Gioni Fry – ina cumpilaziun voluminusa da reprisas rumantschas dals Beatles, sut il titel «Lain fabular». Ils texts aveva translatà per gronda part Benedetto Vigne. El vala sco in dals pioniers e promoturs dal rock rumantsch e da la scena actuala da chantauturas e chantauturs.

Ovras:

  • Camminando, camminando. Davart il chantautur sicilian Pippo Pollina, tudestg, 1997
  • Lain fabular - ils Beatles per Rumantsch. DC dubel, 2005
  • Istorgias da Trantertemp, prosa, rumantsch grischun, 2006
  • Numerusas publicaziuns en antologias, gasettas e revistas
  • diari giapunais: tschientedindeschhaikus, 2016
  • Ils ventganov da settember, 2018

Distincziuns:

  • Contribuziun a l'ovra Pro Helvetia, 1985 e 1993
  • Stipendi CH 91, chantun Giura, 1991
  • Premi da renconuschientscha dal chantun Grischun, 2002
  • Premi grischun da litteratura, 2007

video
Benedetto Vigne: Premi grischun da litteratura (2007)
Or da RTR dals 04.11.2015.
laschar ir. Durada: 4 minutas 8 Secundas.

Artitgels legids il pli savens