Il ticker cun tut il tic e tac da Domat.
Il segund di dals Dis da litteratura 2017
Il ticker è a fin
-
23:08
La travaglia da dr. Panaglia
Il 1954 aveva «La Culissa» realisà il toc: «La travaglia da dr. Panaglia: Ün examen cun martuoria pro la regenza oura Cuoira». Il tips e trics da dr. Panaglia èn anc adina ina truvaglia - ils temas èn restads mo il persunal ed ils protagonists èn sa midads...
audioDr. Panagliaord Novitads dals 04.11.2017.laschar ir. Durada: 1 minuta 1 Secunda. -
22:45
Cla Biert reloaded
"Quai d'eira üna saira da stà, davo tschaina. Eu d'eira ün puobet, cha tuot in üna jada s'haja dudi our in via ün tavellöz e clomöz a munt ed aval." - Durant il program da la sonda saira als Dis da litteratura han tschintg pledaders fatg remixs da vegls gieus auditivs rumantscha, tranter auter era "Il prüm radio" da Cla Biert dal 1962.
audio"Il prüm radio", in remix d'in gieu auditiv da Cla Biert (1962)ord Actualitad dals 04.11.2017.laschar ir. Durada: 1 minuta 36 Secundas. -
20:43
La sala fullanada...
...durant la preschentaziun da "Remas" da Mario Pacchioli.
Legenda: Retschas plainas per "Remas" La halla Tircal a Domat durant la preschentaziun da "Remas". RTR -
19:38
Remas veglias en in nov vestgì
L'autur, chantadur e musicist Mario Pacchioli ha dà in nov vestgì musical a 18 poesias veglias sursilvanas da Muoth sur Tuor fin Camathias. El ha scrit arranschaments per clavazin ed orchester sinfonic, influenzads da la chanson franzosa e da la canzone taliana. La preschentaziun dal project «Remas» ha procurà per ina sala fullanada a Domat.
audioRemas - da Mario Pacchioliord Actualitad dals 04.11.2017.laschar ir. Durada: 2 minutas 10 Secundas. -
18:19
Il detectiv da pastiziers
Durant viadis e segiurns en Europa va Linard Candreia regularmain en tschertga da fastizs da pastiziers grischuns. E sch'el chatta alura anc ina fatschenta u ina famiglia anc betg perscrutada (p.ex. da Dolf Kaiser), alura ha el in milli gust - ed elavura quai en texts litterars.
audioIl plaschair da Linard Candreia da novas scuvertasord Actualitad dals 04.11.2017.laschar ir. Durada: 1 minuta 3 Secundas. -
18:02
Najar en aua da zutger
«Per sa deliberar e chattar sia atgna vusch as stoppia enconuscher quels che han scrit avant.», di Dumenic Andry - e quai sche pussaivel senza najar en aua da zutger, pertge quai è amar... A Domat ha Dumenic Andry preschentà ses nov cudesch a poesias «Sablun».
audioGlüm da tèord Novitads dals 04.11.2017.laschar ir. Durada: 12 Secundas. -
17:07
Il debut
Cun 30 onns vuleva ella avair edì in cudesch. En occasiun dals Dis da litteratura po Chatrina Josty al preschentar - qua in emprim sguard:
videoBarbacor - il debut litterar da Chatrina JostyOr da Actualitad dals 03.11.2017.laschar ir. Durada: 2 minutas 50 Secundas. -
15:56
Living Library - la biblioteca viva
Sis cudeschs ch'ins na po betg prender enta maun, mabain cudeschs cun ils quals ins po discurrer. Durant mintgamai ventg minutas raquintan persunas da lur vita ed aventuras: Co chattan ins in um grischun per maridar? Tgeninas èn las traplas, sch'ins vul plantar bananas en la selva boliviana? U tge sto in medi grischun a Dubai tut far per ir la finala a tschaina cun Diego Armando Maradona?
Legenda: RTR, Guadench Dazzi -
14:51
Quant ludica è la litteratura?
Questa dumonda, tenor il motto dals Dis da litteratura 2017 - «gieus» - ha fatschentà la runda da discussiun live da Domat. Discurrì han Göri Klainguti, Jürg Gautschi e Claudio Spescha ensemen cun la redactura dal Magazin da cultura Esther Berther.
audioDiscussiun davart gieus da pleds e lavurar cun bustabs e lettrasord Magazin da cultura dals 04.11.2017.laschar ir. Durada: 22 minutas 29 Secundas. -
14:35
En posiziun! Pront! Dai!
La partenza en il suentermezdi han fatg texts curts, maximalmain ina pagina. Giavischà era ina conversaziun en stil da WhatsApp - vegni ora èn texts litterars e main litterars dal emprender rumantsch, sur rendezvous en il Starbucks fin tar la generaziun 68 ed il flower power grischun cun «Vacca, péscha, grascha, flura.»
Legenda: In dals texts preschentads suenter gentar - i va tranter auter per s'entupar en il Starbucks a caffè. RTR, Guadench Dazzi -
13:08
Leger, tadlar e baterlar fa fom...
Na, i n'è betg schuppa da bustabs mabain schuppa da giutta!
Legenda: La schuppa da giutta è gia vendida or. RTR, Gion Gieri Flepp -
12:32
La naiv è la mar che dorma
«Campogas Albin» alias Pascal Gamboni ha embellì la preschentaziun da la revista Quarto 44 cun sia atgna interpretaziun da naiv. Per el è la naiv, la mar che dorma - «Mar, te dormas».
audioMar, te dormas - da Pascal Gamboniord Actualitad dals 04.11.2017.laschar ir. Durada: 3 minutas 13 Secundas. -
12:18
Naivina naivetta...
La revista Quarto 44 è ina rimnada da texts vegls or da l'Archiv svizzer da litteratura ma er da novas ovras. Tuttas tractan en ina maniera u l'autra la naiv. Latiers datti interpretaziuns ed analisas scientificas che dattan il context istoric ubain scuvran tge che sa zuppa tut sut la naiv.
audioDominique Dosch: Quants nanins han plaz sin ina sutgera?ord Actualitad dals 04.11.2017.laschar ir. Durada: 36 Secundas. -
12:01
Campogas Albin
La moderatura Maria Victoria Haas maina tras il program dals Dis da litteratura - cun preschentar ils protagonists cun anagrams. Or da Pascal Gamboni datti: «Campogas Albin».
audioCampogas Albin alias Pascal Gamboniord Actualitad dals 04.11.2017.laschar ir. Durada: 12 Secundas. -
11:28
La chastlauna
Mevina Puorger ha edì da nov la novella da Selina Chönz. Cumparida l'emprima giada l'onn 1940. La figura principala da la novella è Giorgia, ina dunna giuvna che va sia via, independentamain da quai che la societad enturn ella pensa. Quella figura ha fascinà specialmain Mevina Puorger.
audioMevina Puorger en discurs cun Eshter Krättli davart l'ovra da Selina Chönzord Actualitad dals 04.11.2017.laschar ir. Durada: 4 minutas 25 Secundas. -
11:15
Il Lanz scappa a Clavau
Il scolar da 16 onns, Lanz, scappa da la scola e sa metta sin viadi vers la Surselva, en il lieu fictiv «Clavau». En il tren entaupa el ina dunna cun in chaun per tschorvs. Ella n'è betg tschorva e vuleva atgnamain daventar model... Ina episoda or da l'emprim roman «Lanz» da Flurin Jecker.
audioLa dunna cun il chaun per tschorvsord Actualitad dals 04.11.2017.laschar ir. Durada: 4 minutas 18 Secundas. -
10:46
Il Lanz sto scriver in blog...
«Lanz» è la figura principala da l'emprim roman da Flurin Jecker. Il scolar Lanz sto scriver pli navidas che gugent in blog, ina sort diari cun opiniuns persunalas en la rait. L'autur Flurin Jecker è creschì si a Berna, ha studegià a Bienna, ha però er ragischs rumantschas. La mamma è oriunda da Mustér.
audioLas ragischs rumantschas da Flurin Jeckerord Actualitad dals 04.11.2017.laschar ir. Durada: 34 Secundas. -
9:36
Litteratura 36 - Das ästhetische Wiesel - Il glis estetic
Or dal «Mondkalb» en l'original da Christian Morgenstern è daventà il «vadi lunar» en la versiun rumantscha da Hubert Giger. Mirveglias? Tadlai l'entira poesia...
audioIl glis estetic da Hubert Gigerord Actualitad dals 04.11.2017.laschar ir. Durada: 51 Secundas. -
9:06
Il di suenter ils shots
Auturas ed auturs han prelegì vid ina maisa cun aspectaturs ed aspectaturas. Quasi sco in «candle-light-dinner» simplamain cun litteratura enstagl d'ina buna tschaina. E tiers hai dà in shot. L'inscunter direct ha plaschì tant al public sco ad auturas ed auturs.
audioBunura: Dis da Litteratura a Domat – Experiment gartegià ed il shot è sta bunord Actualitad dals 04.11.2017.laschar ir. Durada: 2 minutas 54 Secundas.
