Siglir tar il cuntegn

Header

cuntegn

Diari Venderdi, ils 2 da november 2018

L'emprim di als «Dis da litteratura 2018» a Domat. Sin e tranter las lingias, scuvertas ed analisas, novellas e currellas, tuns e fotografias – direct da Domat.

audio
Bunura: Dis da litteratura 2018 – l'emprima saira
03:16 min, Actualitad dals 03.11.2018.
laschar ir. Durada: 03:16 minutas.

Il ticker è a fin

  • 0:11

    Il triangul dal Tiptopf

    E tge ha quel triangul grafic dal «Tiptopf» cun salata e tschigulatta da far cun Louis XIV e cun cannibals? La resposta è da chattar en shot-story da Martin Cantieni.

    audio
    La shot-story da Martin Cantieni
    02:01 min, Actualitad dals 03.11.2018.
    laschar ir. Durada: 02:01 minutas.
  • 0:07

    Film e bar

    La bar da la shot-story-night ha organisà l'uniun da Cineasts independents rumantschs (CIR) - en il maletg Susanna Fanzun e Menga Huonder-Jenny (da san.)

    Susanna Fanzun e Menga Huonder-Jenny en occasiun dals Dis da litteratura a Domat.
    Legenda: Cineastas a la bar L'uniun da Cineasts independents rumantschs (CIR) ha offerì vinars e drincs "litterars". RTR
  • 23:51

    Caduff, Cavegn, Casutt, caput!

    La shot-story da Christian Fey n'è betg ina story, mabain ina poesia. A noss parairi ha el merità il vinarsin, cun u senza alcohol. Viva!

    audio
    Christian Fey - in dals prelecturs da la shot-story-night
    00:54 min, Actualitad dals 02.11.2018.
    laschar ir. Durada: 00:54 minutas.
  • 23:35

    Litteratura sin empustaziun u Shot-Story-Night 2.0

    In sitg per ina story - la bar cineastica che venda tar in zanin gist er anc in autur u in autura cun in'istorgia, para da fruntar a Domat sin viv interess.

    In um prelegia, auters taidlan, saira cun vinars e chandailas.
    Legenda: Legias ti anc u baivas gia? Ils auturs - sco qua Martin Cantieni - sa dattan tutta fadia per lur sitg. RTR
  • 22:47

    Mörgeli e subvenziuns

    Ed il cabaret plurilingual da «schön und gut» enconuscha las finezzas culturalas da la Svizra, perfin quellas rumantschas.

    audio
    Il cabaret plurilingual da "schön und gut"
    01:07 min, Actualitad dals 02.11.2018.
    laschar ir. Durada: 01:07 minutas.
  • 22:16

    ... e cun quai ch'els èn talmain buns, qua anc l'istorgia da Werner, il t-bone-steak ed il carabiner:

    audio
    schön & gut: da schlaviners, carabiners ed autras disgrazias
    03:04 min, Actualitad dals 02.11.2018.
    laschar ir. Durada: 03:04 minutas.
  • 22:02

    Las dunnas da l'ustaria

    Ellas èn en il center sch’i va per emplenir il spazi tranter ils puncts da program: Las dunnas da l’Uniun da dunnas da Domat e lur ustaria.

    Las 4 dunnas.
    Legenda: Da san. Lucia Bundi, Irene Federspiel, Petra Hörler e Philo Deplazes. RTR
  • 21:51

    «MARY» da «schön&gut» - cun Anna-Katharina Rickert e Ralf Schlatter

    Agneta da la Lettonia vul vegnir en Svizra e daventar ina Svizra - ma quai n'è betg uschè simpel. Ed uschia resta ella pendida, insanua, tranter ils munds. Quel spazi illuminescha il duo cabarettistic «schön & gut» da maniera poetic-politica cun chant e pled.

    Quant bain ch'els fan quai mussa tant lur premi per art pitschen svizzer, ch'els han survegnì il 2017, ma er la sairada plain spiert e satira qua a Domat:

    audio
    MARY - cun il duo cabarettistic schön & gut
    01:05 min, Actualitad dals 02.11.2018.
    laschar ir. Durada: 01:05 minutas.
  • 21:01

    Per cumenzar ha er Viola Pfeiffer, la presidenta da l'Uniun per la litteratura rumantscha (ULR), fatg ponderaziuns interlinearas. Tranter las lingias litteraras ha ella chattà tensiuns e tradiment, in u l'auter buatsch, schanugls averts e qua e là aria chauda - en sasez tut sco sco en la vita reala er.

    audio
    Viola Pfeiffer cun sia racumandaziun per ils dis a Domat
    00:26 min, Actualitad dals 02.11.2018.
    laschar ir. Durada: 00:26 minutas.
  • 20:52

    Uss èn ils Dis da litteratura 2018 partids

    Per il comité d’organisaziun ha Sara F. Hermann dat il bainvegni - e quai gia il venderdi saira ad ina sala bain plaina:

    Bainvegnids!

    - nova lingia -

    Bainvegnidas!

    - nova lingia -

    ... ma tadlai gist sez:

    audio
    Las lingias da Sara F. Hermann
    00:20 min, Actualitad dals 02.11.2018.
    laschar ir. Durada: 00:20 minutas.
  • 19:44

    «Là, precis là!» è l'essenza da la litteratura - tranter las lingias...

    ... e perquai è "tranter lingias" er il motto che las 5 dunnas dal comité – Nadina Derungs, Sara F. Hermann, Sereina Nay, Corina Schmed e Natalia Tuor – han tschernì per ils Dis da litteratura 2018.

    Portrait dad ellas 5.
    Legenda: Il comitè: Sereina Nay, Nadina Derungs, Natalia Tuor, Corina Schmed e Sara F. Hermann. RTR
  • 18:44

    Da quellas e quels che scrivan cudeschs rumantschs ...

    ... datti baininqual u baininqualina - quai mussan ils Dis da litteratura onn per onn da maniera impressiunanta. Co statti dentant cun quellas e quels che legian ils cudeschs?

    Tgi che crai uss ch'ils cudeschs fetschian be pulvra sin curuna, savess esser surprais da la resposta ch'il Telesguard ha chattà:

  • 18:27

    La maisa è pronta

    Sco mintg'onn prepara la Lia Rumantscha ina maisa bain emplenida da publicaziuns rumantschas, novas e veglias, grondas e pitschnas, liricas e prosaicas.

    Ina maisa plain cudeschs rumantschs.
    Legenda: La maisa da cudeschs a Domat La litteratura rumantscha sa preschenta als Dis da litteratura, quest onn per la 28avla giada. RTR
  • 18:00

    Lingia per lingia...

    ...als Dis da litteratura: ina prevista sin ils trais dis litterars a Domat, dad Angela Hendry.

    audio
    Las publicaziuns novas che vegnan preschentadas a Domat.
    05:23 min, Actualitad dals 02.11.2018.
    laschar ir. Durada: 05:23 minutas.

Artitgels legids il pli savens

Scrollar a sanestra Scrollar a dretga