Suenter la scola primara e secundara a Trun è Dumeni Capeder stà engaschà per dus onns en in hotel. Alura ha el frequentà la scola media da traffic a Son Gagl. I suonda in emprendissadi sco funcziunari da posta diplomà. Dumeni Capeder è stà funcziunari da posta a Scuol, Le Locle, La Neuveville, Fleurier e Losanna. Suenter 16 onns sco schef da servetsch tar la direcziun generala da la PTT a Berna, è el stà engaschà 3 onns sco directur da l'agid als fugitivs tar la Caritas Svizra a Lucerna. A partir dal 1982 fin tar sia pensiun l'onn 1998 è el stà directur da la chasa d'attempads Steinhof a Lucerna.
Dapi 40 onns publitgescha Dumeni Capeder artitgels e columnas per la Gasetta Romontscha e pli tard per La Quotidiana, sco era en autras revistas, antologias e chalenders.
Intginas ovras:
- Die dritte Lebensrunde, 1979, tudestg
- Grischetta I e II, 1982/83, rumantsch e tudestg
- La porta dalla libertad? 1984
- "...und wärs ein bisschen Liebe", 1997, tudestg
- In stel carezia, 1997
- Das Orakel des Amun-Re, 2005, tudestg
- Mummetta, 2011
Lirica:
- Viva la veta! / Es lebe das Leben! 2007, rumantsch e tudestg
Dramatica:
- Il crest dalla glisch, 1981
Dapli
Distincziuns e contribuziuns
- Premi da promoziun USR, 1984
- Premi litterar USR, 1985
- Contribuziun ad in'ovra Pro Helvetia, 1985
- "Plema d'aur", 2007
