Eva Riedi Collen è creschida si a Morissen. Ella ha frequentà il gimnasi en la scola claustrala a Mustér. Ils onns 1996 fin 2003 ha ella studegià germanistica e retoromanistica a l'Universitad da Friburg ed in onn a Berlin a l'Universitad Humboldt. L'onn 2008 ha ella doctorà cun ina lavur interdisciplinara en ils roms da la sociologia, filosofia culturala e da la scienza da litteratura cun il titel «Rhetorik der Ausgrenzung. Die Ästhetisierung des Alltags in der Pop-Literatur der 1990er Jahre».
A partir da l'onn 2008 enfin l'onn 2012 ha Eva Riedi lavurà l'emprim sco manadra dal post dad art e cultura da la Banca Raiffeisen, lura sco manadra dad ina partiziun en il departament da marca e communicaziun da la medema banca. Dapi l'onn 2012 maina ella in'atgna firma da cussegliaziun d'interpresas.
Intginas ovras
- Publicaziuns en gasettas, revistas ed antologias (Punts, Litteratura, La Quotidiana etc.
- «will wissen was läuft / filosofia ella lavandaria», 2000
- Exposiziun ambulanta: Romontsch on kul-tour, interpretaziuns poeticas multimedialas, 2004
Distincziuns
- Incumbensa da lavur da la Pro Helvetia, 1999
- Premi da promoziun Hermann-Ganz (Migros Kulturprozent), 2002
- Premi da promoziun dal chantun Grischun, 2002
- Premi Marco Polo, 2002 e 2004
