Hubert Giger è naschì l'onn 1958 a Matergia en Val Medel. En quest aclaun è el era creschì si. El ha studegià istorgia a l'Universitad da Turitg ed è sa spezialisà sin la perscrutaziun da la persecuziun da strias. El è redactur da radio tar Radiotelevisiun Svizra Rumantscha e viva oz en Val Medel.
Dapli
Hubert Giger ha scrit e scriva per differentas retschas e revistas (Ischi, Calender per mintga di, Litteratura). L'onn 2001 ha el publitgà sia ovra scientifica da standard «Hexenwahn und Hexenprozesse in der Surselva». Il roman istoric «La stria da Dentervals» tracta il medem tema en furma litterara.
Ovras
- Hexenwahn und Hexenprozesse in der Surselva, 2001
- La stria da Dentervals, 2011