Iso Camartin è è creschì si a Mustér. Là ha el era frequentà il gimnasi en la scola claustrala. A partir da l'onn 1965 ha el studegià filosofia e romanistica a Minca, Bologna e Regensburg. El ha fatg l'onn 1971 il doctorat davart Immanuel Kant e Johann Gottlieb Fichte. Ils onns 1985 enfin 1997 è el stà professer per rumantsch a la Scola politecnica federala ed a l'Universitad da Turitg. A partir da l'onn 1996 fin 1998 ha el moderà l'emissiun «Sternstunde Kunst» ed ils onns 2000 fin 2003 ha el manà la partiziun da cultura da la televisiun SF DRS. Dapi lura lavura el sco publicist independent ed autur.
Intginas ovras
- Land und Volk der Rätoromanen. Eine Kultur- und Sprachgeschichte, 1983
- Nichts als Worte? Ein Plädoyer für Kleinsprachen, 1985
- Die Geschichten des Herrn Casparis, 2008
- Aus den Anfängen der Rhätischen Bahn, 2011
- Opernliebe. Ein Buch für Enthusiasten, 2014
Intginas distincziuns
- Prix européen de l’essai Charles Veillon, 1986
- Premi Conrad Ferdinand Meyer, 1988
- Prix Lipp littéraire, 1997
- Premi Johann Heinrich Merck, 1998
- Premi grischun da cultura, 2005
