Leta Semadeni

Leta Semadeni, naschida ils 26 d'october 1944 a Scuol.

Purtret da Leta Semadeni. Bild in Lightbox öffnen.

Legenda da maletgs: Leta Semadeni. Yvonne Böhler

Leta Semadeni è naschida a Scuol. Ella ha studegià linguas a l'Universitad da Turitg ed ha terminà sia scolaziun sco scolasta secundara. Furmaziun supplementara a l'Universitad Catolica a Quito (Ecuador) e Perugia (Italia), collavuratura libra tar il radio e la televisiun e confundatura da la revista da litteratura ORTE. Dapi l'onn 2005 viva Leta Semadeni sco scriptura libra a Lavin.

Semadeni ha scrit lirica e prosa curta en rumantsch e tudestg e publitgà en numerusas antologias e revistas. Il spezial da sias ovras poeticas publitgadas fin qua è ch'ellas èn bilinguas - cun excepziun dal davos roman «Tamangur». Martin Derungs, Dodo Hug, Efisio Contini e Gion Antoni Derungs han mess en musica intginas da sias poesias.

Intginas ovras

  • Chamin, 1982
  • Monolog per Anastasia, 2001
  • Poesias da chadafö, 2006
  • Tigrin, 2007
  • In mia vita da vuolp – In meinem Leben als Fuchs, 2010
  • Fila, fila! – Spinne, spinne! 2011
  • raz, 2011
  • Tamangur, roman tudestg, 2015

Distincziuns e contribuziuns

  • Contribuziun ad in'ovra da la Pro Helvetia, 2001
  • Stipendi cun atelier a Paris da Visarte Grischun, 2005
  • Incumbensa da lavur da la Pro Helvetia, 2007
  • Premi da renconuschientscha dal chantun Grischun, 2007
  • Segund premi a la concurrenza da lirica al Festival Rilke, 2009
  • Premi da litteratura dal chantun Grischun, 2011
  • Premi da la Fundaziun Schiller, 2011
  • Premi svizzer da litteratura, 2016
  • Premi grischun da cultura, 2017