Siglir tar il cuntegn

Header

cuntegn

Nossa litteratura Martin Fontana

Martin Fontana, naschì ils 01-01-1934 a Flem.

Martin Fontana è naschì il 1. da schaner 1934 a Flem, nua che ses bab, il scrivent rumantsch Gian Fontana deva scola, e nua ch’el viva er oz puspè. Suenter la scola chantunala ha Martin Fontana studegià teologia e scienzas da religiun a las universitads da Turitg, Berlin, Basilea e Marburg en Germania. Tranter 1958 e 1969 è el stà plevon a Castrisch e Riein e suenter fin a sia pensiun a Favugn.

Martin Fontana è s’engaschà sia entira vita per il rumantsch, el è stà commember da la Renania, da 1980-2000 redactur dal Calender per mintga di ed è lura cunzunt s’engaschà per la translaziun da la bibla. Dapi 50 onns lavura el en la cumissiun ecumena per la translaziun da la bibla en sursilvan. Suenter il Nov Testament (1988) èn entant cumparids ils cudeschs profetics (2004), ils psalms (2010) ed ils cudeschs poetics (2014).

Sper ses engaschi per la translaziun da la bibla, per la quala el è vegnì undrà 2018 da l’Universitad da Turitg cun il docter honoris causa, ha Fontana scrit cunzunt lirica.

Intginas da sias poesias èn vegnidas intunadas, p. ex. da Gion Antoni Derungs, Christian Gamboni e Gion Balzer Casanova.

Ovras:

  • Sinzurs agl ur, 1999
  • Ei para l'alvra, 2001
  • Denter las alas, 2018

Distincziuns:

  • Docter honoris causa (2018) da la facultad teologica da l’universitad da Turitg

Artitgels legids il pli savens