Martin Raschèr è creschì si a Zuoz – sco uffant illegitim tar ses nons. Suenter la scolaziun al Seminari da magisters a Cuira ha el absolvì la scola da sutuffizier ed ha prestà bunamain 3 onns servetsch militar. A partir dal 1943 è el stà magister a Trimmis ed a l'internat da Freienstein a Turitg. Cumplementar a la professiun ha el fatg il studi da pedagogia curativa. Alura è el stà 19 onns scolast ad Arosa. Silsuenter ha Martin Raschèr surpiglià la direcziun da l'internat a Freienstein, nua ch'el è restà fin tar sia pensiun. El viva a Grub en l'Appenzell Dadora.
Pir en la vegliadetgna da passa 90 onns ha el publitgà sia emprima ovra rumantscha, ina collecziun da raquints sut il titel «Ova da savun».
Ovra
- Ova da savun/Seifenwasser, 2012
