Dapi bunamain 100 onns datti ils OSL, quests carnets satigls cun istorgias interessantas per uffants. OSL stat per Ovra svizra da lectura per la giuventetgna. Quests dis è vegnì or il numer 2652, in carnet biling en rumantsch vallader e tudestg. Il titel è «Kindlamainta – Kinderbande».
Il carnet cuntegna quatter istorgias, nua che l’autura Tinetta Rauch descriva regurdanzas d’uffanza. I va per muments idillics, ma era per dubis e temas che pon fatschentar ils uffants: vegnir exclus dad auters, s’inamurar l’emprima giada u esser confruntà cun temas sco quella dal «magliakindels» che sa zuppa sut il letg u en stgaffa.
Las illustraziuns da fieuter da l’artista Madlaina Janett mussan en colurs fitg cleras e vivas il mund da las istorgias e quai bunamain cun egls d’uffants.