La scriventa da Sent aveva ambientà ses davos roman «Ein Winter in Istanbul» en la citad fascinanta al Bosporus. Ses protagonist Cla è sfunsà en in nov mund ed ha chattà l’amur.
En «So träume und verschwinde ich» ha Angelika Overath uss translatà ensemen cun ina collega da lingua materna tirca, poesias da Edip Cansever (1928-1986), Cemal Süreya (1931-1990) e Turgut Uyar (1927-1985). Quai è lirica innovativa per ses temp, experimentala en furma e cuntegn. Ils vers dals trais poets èn durant las protestas en Tirchia dvantads simbols per il cumbat per libertad.