L’emissiun Impuls da RTR datti dapi 30 onns! Di per di, dapi l’onn 1993, emetta RTR en l’emissiun Impuls, in patratg per cumenzar il di. Istorgias vairas u bain inventadas. Er grazia a quest’emissiun è la scena da litteratura rumantscha oz viva e vasta sco anc mai.
Per festivar il giubileum envida RTR Vus a trais aperitivs litterars. L’emprim ha lieu ils 09 da zercladur sut il motto “Bellezza da pleds”. Rut Plouda, Leo Tuor e Janic Maskos vegnan a preleger impuls novs e vegls tar quest tema. Claudio Spescha tegn il pled festiv per il giubileum e Flurina Badel moderescha la saira.
- Lieu: Lounge en chasa RTR, Via da Masans 2, 7000 Cuira.
- Data: Ils 09-06-2023 a las 18:00 – 19:00. Avertura da las portas a partir da las 17:30.
Gugent pudais Vus s’annunziar via quest formular. Las plazzas èn limitadas sin 40 persunas.
Nus ans legrain da Vossa visita.